Охирги сонда



Кўп ўқилган мақолалар



Долзарб мавзу



Мақолалар архиви

«    Avgust 2018   
Du Se Cho Pa Ju Sha Ya
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
26.12.2015

ХОРВАТИЯ: ЕТАКЧИ СИЁСИЙ ПАРТИЯЛАР

социал ғоялар тарафдори бўлди

Жорий йилнинг ноябрь ойида Хорватияда бўлиб ўтган пар­ламент сайлови жараёнлари дунё оммавий ахборот воситаларида кенг ёритилди, атрофлича шарҳланди.

Умуман, ушбу мамлакатдаги сиёсий тизим ўзига хослиги билан ажралиб туради. Хорватия қонун чиқарувчи олий органи — парламент бир палатали бўлиб, 151 нафар депутат фаолият олиб боради. Мамлакатда сиёсий партиялар сони кўп. 2011 йилда ўтказилган сайловда 300 дан ортиқ сиёсий партия иштирок этган бўлса, бу йилги сайловда 166 партия ўз номзодини тақдим этди.

Сиёсий партиялар томонидан депутатликка 2311 нафар номзод кўрсатилди. Овоз бериш жараёнларида 3,8 миллион фуқаро иштирок этди. Сайлов участкаларида овоз бериш тонгги соат 7 дан кечки 19 гача давом этди.

Сайлов комиссиясининг ҳисоб-китобларига кўра, Ватанпарварлар ­коалицияси парламентдан 61 ўринни эгаллаб, ғолибликни қўлга киритди. Социал-демократик ғоялар тарафдори бўлган коалиция эса 55 депутатлик мандатига эга бўлди.

Сайловда учинчи натижани «МОСТ» сиёсий пар­тияси қайд этди. Сиёсатшунослар фикрича, ушбу натижа ҳақиқий кутилмаган ҳолат бўлди. Мазкур партия парламентда 19 ўринни олишга эришди. «МОСТ» сиёсий партияси 2012 йилнинг охирларида ташкил этилган, ўз сай­лов­олди дастурида асосан иқтисодиётни ислоҳ қи­лиш, ёшларни ҳар томонлама қўллаб-қувватлаш, фуқароларнинг иқтисодий ҳам­да сиёсий фаоллигини ошириш масалаларини илгари сурган.

Сайловда жами сайловчиларнинг 60,14 фоизи овоз берди.

Агар эътибор қаратадиган бўлсак, сиёсий пар­тиялар сайловолди кампанияси давомида бир-биридан қизиқ ва ўзига хос дастурлар, таклифлар билан чиқди. Хусусан, социал-демократлар иқтисодиётни янада ривожлантириш, солиқларни камайтириш, товар экспортини 30 фоизгача ошириш, аҳоли бандлигини таъминлаш, турмуш даражаси ва ижтимоий ҳимояни янада кучайтириш, бюджет дефицитини қисқартириш, шунингдек, таълим соҳасига янги инвестицияларни жалб қи­лиш масалаларини ўз дастурларида баён этган эди.

Ватанпарварлар коалицияси ҳам бир қатор ғоя­ларни илгари сурди. Мисол учун, биринчи ўринда солиқларни камайтириш, 25 мингдан ортиқ иш ўрни яратиш, пенсия миқдорини ўртача ойлик иш ҳақининг 60 фоизига етказиш, янги туғилган чақалоқлар учун минг евро миқдорида маблағ ажратиш каби муҳим масалаларни ўртага ташлади. Сайлов натижалари шуни кўрсатдики, мазкур масалаларни аҳолининг кўпчилик қисми қўллаб-қувватлади.

Бир қарашда ушбу икки сиёсий партия ғоялари, дас­турлари ўртасида жуда катта фарқ, тафовут йўқ­дек. Аксинча, бир-бирини тўлдириб турибди. Энг асосийси, уларнинг ҳар иккаласи аҳоли ижтимоий ҳимояси, иш ўринлари ташкил этиш, солиқларни камайтириш масалаларига жиддий эътибор қаратган.

Сайловда ғолиб бўлган Ватанпарварлар коалиция­си, умуман, парламентдан ўрин олган ҳар бир ­сиёсий партия олдида муҳим вазифалар турибди. Чунки ушбу сайлов Хорватиянинг Европа Иттифоқига аъзо бўлганидан кейинги биринчи парламент сайлови ҳисобланади.

Умуман, ҳар бир сиёсий партиянинг мамлакатдаги бар­қарорликни таъминлаш, аҳоли фаровонлигига эришиш, сайловчиларни ўйлантираётган масалаларни ҳал қилиш бў­йича ҳаётий таклифлар бериши долзарб аҳамият касб этади.

 

Нурали ОРИПОВ



DB query error.
Please try later.