Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
24.12.2015

ЁШЛАР ОДАМ САВДОСИГА ҚАРШИ

ЎзХДП Наманган вилоят кенгаши ҳуқуқни муҳофаза қилиш идоралари билан ҳамкорликда одам савдосига қарши тар­ғибот-ташвиқот ишларини кучайтириш масаласига бағиш­ланган тадбир ташкил этди.

Унда қайд этилдики, мамлакатимизда одам савдосига қарши курашиш, аҳоли, айниқса, ёшларнинг ҳуқуқий билимини ошириш, таълим-тарбияси, касбий маҳоратини юксалтириш ҳамда банд­лигини таъминлаш борасида кенг кўламли ишлар амалга оширилмоқда. Хусусан, «Одам савдосига қарши курашиш тўғрисида»ги қонун ҳамда Президентимизнинг одам савдосига қарши курашиш самарадорлигини ошириш чора-тадбирлари тўғрисидаги қарори бу борадаги ишлар кўламини кенгайтиришда муҳим асос бўлмоқда. 

— Ёшларни одам савдосидан асрашда оилавий тарбияни тўғри йўлга қўйиш, уларнинг қалби ва онгида турли ғоявий-информацион таҳдидларга нисбатан мафкуравий иммунитетни шакллантириш муҳим аҳамиятга эга, — деди ЎзХДП Наманган вилоят кенгаши раиси Дилором Абдураҳимова. — Шунинг учун ёшлар ўртасида турли салбий иллатларнинг олдини олишга қаратилган лойиҳаларни кўпайтиришимиз, уларнинг бўш вақтини мазмунли ўтказиш бўйича янги ташаббуслар билан чиқишимиз, тадбирларни таъсирчан усулларда ўтказишимиз керак. Яна бир муҳим масала шундаки, фақат тадбир ўтказиш билан чекланмаслик зарур, балки ҳар бир оилага кириб бориб, одам савдоси нафақат оғир жиноят экани, у инсон шаъни, қадр-қимматини топташини тушунтириб беришимиз талаб этилади.

— Ота-онанг кўзи олдида, дўст-биродарларнинг ёнида ишлашга, дам олиш кунлари улар билан юз кўришиб, кўнгил сўрашиб яшашга нима етсин, — деди иштирокчи ёшлардан Исроил Аълохўжаев.

 Якунда мулоқот ва савол-жавобларда фаол иштирок этган ёшларга ташкилотчилар томонидан фахрий ёрлиқ ва ташаккурномалар топширилди. Шунингдек, партиямиз сафида бўлишни хоҳлаган хайрихоҳ ёшлар аъзоликка қабул қилинди.

Тадбир доирасида кўчма Жамоатчилик қабулхонаси ҳам ташкил этилди. Мурожаатлар партиямиздан сайланган маҳаллий Кенгаш депутатларига тақдим этилди.

 

Гулруҳ ТОШМАТОВА,

ЎзХДП Наманган вилоят кенгаши сектор мудири.


Фикр ва мулохазалар

Защита от автоматических сообщений

Сўнгги янгиликлар: