Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
24.12.2015

ЗАМОНАВИЙ, КАМХАРЖ ЛОКОМОТИВЛАР

Президентимиз раҳнамолигида темир йўл тармоғини ривожлантириш юзасидан кўрилаётган чора-тадбирлар йўловчи ва юк ташишнинг энг замонавий талаблар даражасида ташкил этилишига хизмат қилмоқда. Бу борада темир йўл паркини энг замонавий локомотивлар ва ҳар томонлама қулай вагонлар билан янгилаш муҳим ўрин тутмоқда.

Бугунги кунда «Ўзбекистон темир йўллари» акциядорлик жамиятидаги мавжуд локомотивларнинг эллик фоиздан ортиғи янгиланди. Электрлаштирилган пўлат излар тармоғининг кенгайиши локомотивлар паркини қатор афзалликларга эга электровозлар билан тўлдириш имконини бермоқда.

Давлатимиз раҳбарининг 2015 йил 4 мартдаги Хитой Халқ Республикаси Эксимбанки иштирокида «Локомотивлар паркини янгилаш. 11 юк электровозини харид қилиш. 2-босқич» лойиҳасини амалга ошириш чора-тадбирлари тўғрисидаги қарорига мувофиқ Хитойда ишлаб чиқарилган ўн бир дона «O»z-ELR» электровозининг мамлакатимизга келтирилиши замонавий темир йўл тармоғини барпо этишга қаратилган ислоҳотларнинг яна бир ифодасига айланди.

Электровозлар Хитойнинг CNTIC консорциуми — Далянь электровозсозлик заводида ишлаб чиқарилган бўлиб, ушбу компания локомотивлар паркини янгилашда «Ўзбекистон ­темир йўллари» акциядорлик жамияти билан бир неча йилдан бери яқин ҳамкорлик қилиб келмоқда.

Электровозларни лойиҳалаштиришда улардан фойдаланиш, техник хизмат кўрсатиш ва таъмирлаш жараёнида қулайликлар яратишга алоҳида эътибор қаратилган. Локомотив қисмларининг жойлашуви, дизайни, тормоз ва микропроцессорли бошқариш тизимини ишлаб чиқишда хитойлик мутахассислар билан бирга темирйўлчиларимиз ҳам иштирок этган.

— Янги электровозлар оғир юкларни тоғ шароитида ташишга мослаштирилган бўлиб, шу турдаги бошқа локомотивларга нисбатан бир қатор афзалликларга эга, — дейди «Ўзбекистон темир йўллари» акциядорлик жамияти бошқарма бошлиғи Нусратилло Абдуллаев.
— Жумладан, замонавий тормозланиш тизимлари ва ком­плекс хавфсизлик қурилмалари ўрнатилгани боис электр энергияси сарфи 5-8 фоизга камаяди. Электровознинг қуввати 7200 кВтга тенг бўлиб, кон­струкцион тезлиги соатига 120 километрни ташкил этади. Янги локомотивларда қўлланилган замонавий технологиялар электр энергиясини тежаш баробарида тепловозларда ишлатилаётган ёнилғи сарфи
2-2,5 марта камайишига олиб келади.

«Ўзбекистон темир йўллари» акциядорлик жамияти томонидан харид қилинган янги ­­­­«O»z-ELR» электровозлари юк ташиш ҳажмини янада кўпайтириш имконини беради.

 

Б.БОЗОРОВ,

ЎзА мухбири.



DB query error.
Please try later.