Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
19.12.2015

ВЕНЕСУЭЛА: МАМЛАКАТ ТАРАҚҚИЁТИ СИЁСИЙ ПАРТИЯЛАР ФАОЛЛИГИГА БОҒЛИҚ

Хабарингиз бор, жорий йил 6 декабрь куни Венесуэлада парламент сайлови бўлиб ўтди. Унинг натижаларига кўра, оппозицион Демократик бирлик блоки ғолиб бўлди. Венесуэлада қонун чиқарувчи олий орган — Миллий ассамблея бир палатали бўлиб, унда 167 нафар депутат фаолият юритади.

Демократик бирлик блоки парламентдаги 99 депутатлик ўрнини эгаллашга муваффақ бўлди. Ушбу натижа сўнгги 16 йилда мамлакат сиёсий ҳаётида юз берган кутилмаган воқеадир. Чунки ушбу сиёсий куч шунча вақт­дан бери ҳали бирор марта сайловларда ютиб чиқмаган эди.

Сўнги йилларда Венесуэлада Ягона социал партия доимий равишда парламентда кўпчилик ўринни қўлга киритиб келаётган эди. Бу йилги сайловда мазкур сиёсий партия 46 депутатлик ўрни билан кифояланди.

Бироқ ҳозир ҳам ушбу партия мамлакатдаги энг йирик сиёсий кучлардан бири ҳисобланади. Унинг 7 миллион нафарга яқин аъзоси бор.

Венесуэлада сайлов тизими ўзига хос кўринишга эга. Мамлакатда сайловлар мажоритар тизимда ўтказилса-да, айрим жиҳатлари билан такрорланмасдир. Мисол учун, парламентдаги 167 нафар депутат турли тартиб орқали сайланади. Яъни 113 нафар депутат ҳудудлардаги 87 сайлов округидан тўғридан-тўғри овоз бериш йўли билан, яна 51 нафар депутат яширин рўйхат асосида 23 штат ва пойтахтдаги округлардан сайланади. Қолган 3 нафар депутат эса туб жой аҳоли билан маслаҳатлашилган ҳолда сайланади.

Шундай қилиб, Демократик бирлик блоки сайловчиларнинг 56,22 фоиз овозини қўлга киритди. Умуман олганда, сайловларда аҳоли юқори ­сиёсий фаолликни намо­йиш қилди. Мазкур муҳим сиёсий тадбирда қарийб 75 фоизга яқин сайловчи иштирок этди.

Халқаро сиёсий таҳлилчиларнинг фикрича, Демократик бирлик блоки сайловда ғолиб бўлишининг асосий сабаби мамлакатда ҳал этилиши зарур бўлган, одамларни ўйлантираётган муҳим ижтимоий-сиёсий масалаларни кўтариб чиқилганлиги билан изоҳланади. Хусусан, ушбу сиёсий куч мамлакатдаги иқтисодий сиёсатни ўзгартириш, молиявий-иқтисодий инқирозни бартараф қилиш ҳамда нефть ре­сурс­ларидан оқилона фойдаланиш масаласини илгари сурди ва буни ҳал этишга одамларни ишонтира олди.

Венесуэлада ўтказилган сайловни халқаро мутахассис ва экспертлар ҳам кузатиб борди. Кузатувчилар сайлов жараёнларида жиддий ноқонуний ҳолат қайд этилмаганини маълум қилди.

Венесуэла парламенти — Миллий ассамблеянинг янги таркиби 2016 йилнинг январидан ўз фаолиятини бошлайди. Мазкур таркиб 5 йил давомида ишлайди. Шу вақт давомида улар олдида жуда муҳим вазифалар тургани таъкидланмоқда.

Хулоса сифатида шуни айтиш керакки, бугун барча ривожланган демократик давлатларда сиёсий партиялар мамлакат тақдири, стратегик масалаларни ҳал этишда асосий куч ­сифатида майдонга чиқмоқда. Демак, сайловчилар ­сиёсий партиялардан янада кўпроқ фаоллик ва ташаббускорлик кутмоқда. Буни Венесуэлада кечаётган ­сиёсий жараёнлар мисолида ҳам яққол кўриш мумкин.

 

Нурали ОРИПОВ



DB query error.
Please try later.