Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
19.12.2015

САВОЛ ВА ЖАВОБ

Наргиза Бақоева, Ўзбекистон давлат санъат ва маданият институти талабаси:

– Яқинда Олий Мажлис Қонунчилик палатаси депутатлари сайловчилар билан учрашувлар ўтказди. Мен ҳам ўзим яшайдиган ҳудуддаги сайлов округидан сайланган депутат билан учрашувларда иштирок этдим. Учрашувдан сўнг депутатнинг сайловчилар билан олиб борадиган ишлари қонунчиликда қандай белгилангани ҳақида ўйлаб қолдим. Менга шу ҳақда тўлиқроқ маълумот берсангиз...

Феруза Эшматова, Олий Мажлис Қонунчилик палатасидаги ЎзХДП фракцияси аъзоси:

— Депутат — халқ вакили. Унга одамлар ишонч билдирган экан, демак, у сайловчилар олдида ҳисобдордир. Сайловчилар билан бўлиб ўтадиган учрашувлар эса одамлар ва депутат ўртасида муҳим восита бўлиб, юзма-юз мулоқотларда кўп­лаб ижтимоий масалалар муҳокама этилади, депутат ўз фаолияти ҳақида ахборот беради. Шу маънода, сайловчилар билан бўлиб ўтадиган учрашув депутат учун ҳам, сайловчи учун ҳам муҳим аҳамиятга эга.

«Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида»ги қо­нунда депутатнинг сайловчилар билан, сиёсий пар­тия билан олиб борадиган ишлари баён этилган.

Унга кўра, депутат ўз округи сайловчилари билан, уни депутатликка номзод қилиб кўрсатган сиёсий партия билан алоқа боғлаб туради, Қонунчилик палатасида уларнинг манфаатларини ифода этади.

Депутат сайловчилардан тушган мурожаатларни қонун ҳужжатларида белгиланган тартибда кўриб чиқади, уларни ҳал этиш чора-тадбирларини кўради, фуқароларни қабул қилади. Шунингдек, у вақти-вақти билан, йилига камида бир марта сайловчиларга ўз фаолияти ҳақида ахборот беради.

Депутатга сайловчилар билан олиб бориладиган ишлар учун Қонунчилик палатасининг Регламентида белгиланадиган тартибда муайян кунлар ажратилади.

Сайловчилар билан учрашувлар ўтказиш учун депутатга зарур шарт-шароит яратилади. Ижро этувчи ҳокимият органлари, унинг илтимосига кўра, бино ажратилишини ташкил этади ва депутатнинг сайловчилар билан учрашувлари ўтказиладиган, депутат томонидан фуқаролар қабул қилинадиган вақт ва жой ҳақида фуқароларга хабар беради. 



DB query error.
Please try later.