Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
17.12.2015

ҲАММА ОНАЛАР ҲАМ БОЛАЛАРИНИНГ БАХТИНИ КЎРСИН

Ҳар бир она учун фарзандининг камолини, ютуқларини кўришдан ортиқ бахт йўқ. Буни айтиб, тушунтириб бўлмайди, буни оналар яхши билишади. Кўча-кўйда юрсам, «Ана, Бектемирнинг онаси келяпти», деган гаплар қулоғимга чалинади. Шундай пайтда юрагим қувончга тўлиб-тошади, ғурурланиб кетаман... Ҳа, менинг ўғлим юртимизда спортчилар учун яратилаётган имкониятлардан фойдаланиб, катта мусобақаларда иштирок этяпти, ғалабаларга эришяпти, юзимизни ёруғ қилаяпти. 

Биз Фарғона вилоятининг энг четидаги Фурқат тумани Шомбек қишлоғида яшаймиз. Агар бундан 20-25 йил аввал бизнинг қишлоқдан бирон-бир бола жаҳон чемпионатига боради деса, ким ишонарди? Чемпион бўлади, деган гап хаёлга ҳам келмасди. Лекин бугун кўплаб қишлоқ болалари дунё мусобақаларида қатнашиб, ғолиб бўлишмоқда. Ўғлим Бектемир иккинчи ўсмирлар олимпиадаси ғолиби бўлди, Осиё ва жаҳон чемпиони бўлди. Катталар ўртасида Осиё чемпионатида ғолиб чиқди. Жаҳон чемпионатида кумуш медаль олди. 

Яна бир гапни ифтихор билан айтмоқчиман. Мустақиллик байрами арафасида ­Юртбошимиз фармони билан ўғлим ­«Шуҳрат» медали билан тақдирланган эди. Конституция байрами арафасида Президентимиз ­Ислом Каримовнинг шахсан ўзи бу мукофотни топширди. 2016 йилги ёзги Олимпиадада чемпион бўлишига тилак билдирди. Буни телевизор орқали кўраётганимда хурсандчиликдан кўз ёшларимни тўхтата олмадим. Ўша лаҳзалардаги ҳаяжонимни, қувончимни ҳеч нарсага қиёслаб бўлмайди. Кеча қишлоғимизда гап тарқалди. Президентимиз ўғлимга мукофот топширганини кўрган ота-оналарнинг кўпчилиги ўғилларини бокс мактабига олиб боришибди.

Ўзим ҳамшира бўлиб ишлайман ва болалар саломатлигини мустаҳкамлашда спортнинг аҳамиятини яхши биламан. Соғлом она ва бола йили Давлат дастурида жисмоний тарбия ва спортни, тиббиётни янада ривожлантириш тўғрисида муҳим вазифалар белгиланишига ишонаман.

Юртимиздан яна кўплаб чемпионлар чиқади. Бунинг учун ҳамма шароит яратилган. Илоҳим, ҳамма оналарга ҳам болаларининг бахтини кўриш насиб этсин.

 

Наврўза СУЛАЙМОНОВА,

Фурқат тумани.

 

Хушхабар: Осиё бокс конфедерацияси турли номинациялар бўйича 2015 йилнинг ғолибларини аниқлади. Энг яхши боксчи, энг яхши мураббий, деб Ўзбекистон вакиллари Бектемир ­Мелиқўзиев ва терма жамоа мураббийи ­Рустам ­Саидов тан олинди.



DB query error.
Please try later.