Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
15.12.2015

СОҒЛОМ БОЛА СОҒЛОМ МУҲИТДА ВОЯГА ЕТАДИ

Паркентда Ўзбекистон ХДП Тошкент вилоят кенгаши томонидан Президентимизнинг ­Конс­титуция байрамига бағишланган тантанали маросимдаги маърузасида илгари сурилган ғояларни чуқур ўрганиш ва электорат вакиллари, кенг жамоатчилик орасида тарғиб қилиш мақсадида давра суҳбати ўтказилди.

Унда Олий Мажлис Қонунчилик палатаси депутатлари, халқ депутатлари Тошкент вилоят, Паркент туман Кенгаш­ларидаги партия гуруҳлари аъзолари, тарғиботчилар гуруҳи, «Фаол аёллар» ва «Истиқбол» ёшлар қанотлари вакиллари иштирок этди.

Тадбирда мамлакатимизда оналар ва болалар соғлиғини муҳофаза қилиш, соғ­лом турмуш тарзини шакллантириш борасида олиб борилаётган кенг кўламли ишларга алоҳида эътибор қаратилди.

Қайд этилдики, оналарнинг саломат бўлиши, соғлом боланинг дунёга келиши, комил инсон бўлиб улғайиши кўпгина омилларга боғлиқ. Бунинг учун, аввало, оилада соғ­лом турмуш тарзи қарор топиши керак.

— Мамлакатимизда соғлом авлодни тарбиялашга қаратилаётган доимий эътибор, ўзининг ижобий натижаларини бермоқда, — дейди Ўзбекистон ХДП Тошкент вилоят кенгаши раиси Сирожиддин Аъзамов. — Хусусан, оналик ва болаликни муҳофаза қилиш, уларнинг ижтимоий ҳимоясини кучайтириш, таълим тизимини такомиллаштириш, болалар спортини ривожлантириш каби соҳалардаги изчил ислоҳотлар бир-бирини тўлдириб, бутун бир механизмга айланди. Бугун замонавий тиббий марказлар, таълим муассасалари, спорт иншоотлари ҳар жиҳатдан соғлом ва баркамол авлодни тарбиялашга хизмат қилмоқда. Соғлом она ва бола йилида оналик ва болаликни муҳофаза қилиш, тиббий хизмат кўрсатиш сифатини янада яхшилаш, тарғибот-тушунтириш ишларини кенг ва изчил йўлга қўйишимиз, бу борада ҳамкорликни кучайтиришимиз, соҳага оид қонун ҳужжатлари ижроси бўйича депутатлик ва жамоатчилик назоратини самарали олиб боришимиз зарур.

— Партия ташкилотлари, депутатлар, биринчи навбатда оналик ва болаликни ҳимоя қилиш, оилаларда соғлом муҳитни кучайтириш, уларнинг иқтисодий ва маънавий асосларини мустаҳкамлаш каби масалаларга алоҳида эътибор қаратиши зарур, — дейди Олий Мажлис Қонунчилик палатаси депутати, ЎзХДП фракцияси аъзоси ­Акмал Умаралиев. — Чунки соғлом бола соғлом оилада, соғлом авлод эса соғ­лом жамиятда камол топади. Шундай экан, оналар саломатлигини асраш, соғ­лом авлод вояга етиши учун яратилган шароитларни янада яхшилаш, бу борада қонунлар ижросини сўзсиз таъминлаш ишларини қатъий назоратга олишимиз керак.

Давра суҳбатида билдирилган фикр-мулоҳазалар, таклифларни умумлаштириб, партия ташкилотлари ва гуруҳларига тавсия этишга қарор қилинди.

 

Наврўз ШОДМОНҚУЛОВ,

«Ўзбекистон овози» мухбири.



DB query error.
Please try later.