Наманган шаҳридаги «Боғи Эрам» тантаналар мажмуасида Халқаро ногиронлар куни муносабати билан ташкил этилган мусиқий-бадиий тадбир шундай номланди. Ўзбекистон Халқ демократик партияси Наманган вилоят кенгаши,  Якка-ёлғиз кекса пенсионерлар ва ногиронлар жамоат маркази ҳамкорлигида ўтказилган тадбирда вилоятнинг  барча туманларидан таклиф этилган жисмоний имконияти чекланган кишилар иштирок этди.

— Ўзбекистон Халқ демократик партияси дастурида имконияти чекланган, ижтимоий қўллаб-қувватлашга эҳтиёжманд ногиронлар, якка-ёлғиз кексаларни қўллаб-қувватлашни ва рағбатлантиришни муҳим вазифа сифатида белгиланган, — деди Наманган вилоят партия кенгаши раиси ўринбосари Олимжон Ҳасанов. — Бугунги тадбир, амалга оширилаётган ишлардан кўзлаган мақсадимиз партиямиз электорати вакиллари янги орзуларга руҳлантириш, эртанги кунга ишончини, ғайрат-шижоатини оширишдир.

Шу куни «Истиқбол» ёшлар қаноти фаоллари ўзларининг куй-қўшиқлари, саҳна кўринишлари билан меҳмонлар кўнглини хушнуд этишди.

Тадбир якунида иштирокчиларга ҳомий ташкилотлар ҳамда ЎзХДП вилоят кенгашининг эсдалик  совғалари топширилди.

Гулруҳ ТОШМАТОВА