Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
26.11.2015

ФАОЛ ВА ТАШАББУСКОР АЪЗОЛАР

сафи кенгаймоқда

Ҳар бир сиёсий партиянинг дастурий мақсад ва вазифаларини кенг тарғиб қилишда, аҳоли орасида нуфузини оширишда бошланғич партия ташкилотлари муҳим ўрин тутади. Шу маънода, қуйи бўғин фаолиятини кучайтириш пар­тия олдида турган энг муҳим вазифалардан биридир.

Ўзбекистон ХДП Тошкент шаҳар ҳамда Юнусобод туман кенгаши ҳамкорлигида 52-оилавий поликлиникада ўтказилган ўқув-семинарда бу ҳақда алоҳида таъкидланди.

Партия фаоллари, етакчилар, депутатлар бошланғич партия ташкилотларининг бугунги кундаги фаолияти ҳамда улар олдига қўйилаётган вазифалар, айрим муаммо ва камчиликлар ҳақида фикр-мулоҳазалар билдиришди.

— Бошланғич партия ташкилотларисиз ишимизда самара бўлмаслиги аниқ, — дейди Ўзбекистон ХДП Тошкент шаҳар кенгаши раиси Ҳайдар Бобохонов. — Бу тузилма аҳолига энг яқин бўғин бўлгани учун уларнинг кучи ва имкониятидан унумли фойдаланишимиз керак. Бунда депутатлар ва бошланғич ташкилотлар ҳамкорлигини кучайтириш яхши самара беради. Депутатнинг қуйи бўғин билан алоқаси яхши йўлга қўйилса, бу аҳолининг хоҳиш-истаги ва муаммоларини ўрганиш, керак бўлганда, уларни маҳаллий Кенгашларнинг доимий комиссияси ва сессияга олиб чиқишда муҳим аҳамият касб этади. Ана шу вазифалардан келиб чиқиб, яқинда партия кенгашларида бошланғич партия ташкилотлари билан ишлаш секторлари ташкил этилди. Ушбу сектор олдига бошланғич партия ташкилотлари фаолияти самарадорлигини ошириш, шу билан бирга, қуйи бўғинларни партиянинг юқори ташкилотлари ва депутатлар билан алоқасини янада мустаҳкамлаш вазифаси қўйилган.

Семинар давомида 52-оилавий поликлиникадаги бошланғич партия ташкилоти фаолияти намуна сифатида кўрсатилди. Унинг иш тажрибасини оммалаштириш бўйича фикр-мулоҳазалар билдирилди.

— Ҳозирги кунда сафимизда 175 нафар партия аъзоси жамланган, — дейди 52-оилавий поликлиникадаги Ўзбекистон ХДП бошланғич ташкилоти раиси Муаззам Мансурова. — Шифохонамиздаги фаол ва ташаббускор ходимларни партиямиз сафига қабул қилишга жиддий эътибор қаратяпмиз. Жорий йилда ҳам 15 нафар ёш Ўзбекистон ХДП аъзолигига қабул қилинди. Биз партиямизнинг юқори ташкилотлари билан муносабатларни изчил йўлга қўйганмиз. Ҳар ойнинг охирги шанба кунида доимий равишда семинар-тренинглар ўтказилади. Уларда партия дастурий мақсадларини амалга ошириш, кенг жамоатчилик ўртасида тар­ғиб қилиш масалаларини кенг муҳокама этамиз.

Семинар сўнггида бошланғич партия ташкилотларининг ишини янада такомиллаштириш бўйича таклиф ва тавсиялар билдирилди.

 

 

Наврўз ШОДМОНҚУЛОВ


Фикр ва мулохазалар

Защита от автоматических сообщений

Сўнгги янгиликлар: