26.11.2015

САВОЛ ВА ЖАВОБ

Иқбол Жўраев, Андижон вилояти, Избоскан тумани:

– Жорий йилнинг 26 августидан мамлакатимизда «Инвестиция ва пай фондлари тўғрисида»ги қонун кучга кирди. Қонуннинг мазмун-моҳияти, аҳамияти нимадан иборат? Ишончли бошқариш шартномаси ҳақида тўлиқроқ маълумот берсангиз.

 

Дилмурод САЪДУЛЛАЕВ, Олий Мажлис Қонунчилик палатаси депутати, ЎзХДП фракцияси аъзоси:

— Аввало таъкидлаш керакки, мазкур қонуннинг қабул қилиниши жойларда ишлаб чиқаришни кенгайтириш, янги иш ўринлари яратишга хизмат қилади. Шу маънода бу электоратимиз манфаатларига ҳамоҳангдир. Қонун фонд бозори томонидан иқтисодиёт тармоқлари ўртасида сармоянинг эркин оқимини таъминлаш, инвесторларга ва аҳолининг кенг қатламларига капитал бозорига кириш имкониятини бериш ҳамда жамғармаларни шакллантириш ва кўпайтиришга кенг йўл очади.

Унга кўра, инвестиция фонди ўз фаолиятини қимматли қоғозлар бозорини тартибга солиш бўйича ваколатли давлат органи томонидан бериладиган лицензия асосида амалга оширади.

Қонун билан инвестиция фонди, пай фонди, инвестиция пайлари, инвестиция активлари, ишончли бошқарувчи ва ишонч­ли бошқариш шартномаси, инвестиция декларацияси каби тушунчаларга изоҳ берилган, уларнинг хар бирининг ўрни ва аҳамияти белгилаб қўйилган.

Хусусан, Қонуннинг 9-моддаси ишончли бошқариш шартномасига қаратилган. Унга кўра, пай фондини ишончли бошқариш шарт­номага мувофиқ амалга оширилади. Ушбу шартнома ишончли бошқарувчининг раҳбари томонидан акциядорлар умумий йиғилишининг қарорига асосан инвестиция фондининг кузатув кенгаши раиси ҳамда ушбу ҳужжатни имзолаш ва унга қўшилиш орқали пай фондининг инвесторлари билан тузилади.



DB query error.
Please try later.