Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
21.11.2015

ДЕМОКРАТИК ИСЛОҲОТЛАРДА ФАОЛ ИШТИРОК ЭТИШ

ва она юртимиз буюк келажаги йўлида хизмат қилиш энг олий саодатдир

— Бу ерда қандай тадбир бўлаяпти? — деб сўради бир аёл Олмалиқ шаҳридаги 8-сон болалар мусиқа ва санъат мактабининг иккинчи қаватига кўтарилаётган вақтимизда.

— «Ўзбекистон ХДПнинг энг фаол аёли» кўрик-танловининг вилоят босқичи, — деб уни томошабин сифатида қатнашишга таклиф қилдим. У ерда қандай шартлар бўлиши ҳақида ҳам қисқача тушунтирдим. Танлов якунлангач, кимдир ёнимга келиб миннатдорлик билдирди. Бу ўша аёл эди...

— Синглим, раҳмат, сизга. Бояги гапларингиз бу тадбирга келишимга туртки бўлди. Қатнашчиларнинг чиқишларини кўриб, фикр-мулоҳазаларини тинглаб, бир хулосага келдим. Ҳаммамиз қонунларни яхши билишимиз, қонун асосида ишлаб, ҳаётда бошқаларни ҳам шунга даъват қилиб, энг аввал, фарзанд­ларимизга ўрнак бўлишимиз керак экан. Икки қизим бор, ўқиб-ўрганишга қизиқади. Қизлар ҳам ўқиб, ҳунарли бўлгани яхши-да, келажакда қийналмайди.

Агар таққослайдиган бўлсак, кечаги замондаги хотин-қизлар билан бугунги аёлларнинг нафақат турмуш тарзи, балки фикрлаш тарзи, дунёқарашида ҳам ер билан осмонча фарқ бор. Бугун уларнинг ҳар жабҳада илғор, ташаббускор, фаол эканини кўрамиз. Ўзбекистон ХДП томонидан ўтказилаётган қатор лойиҳалар эса хотин-қизларнинг сиёсий билимини ошириш, ҳуқуқий маданиятини юксалтириш каби мақсадларга хизмат қилмоқда.

Танловнинг Тошкент вилоят босқичида туман ва шаҳарларда ғолиб бўлган хотин-қизлар иштирок этди. Дастлаб қатнашчилар мамлакатимизда олиб борилаётган ислоҳотлар, уларнинг самарадорлигини янада оширишга қаратилган ло­йиҳаларни тақдим этишди.

— Ўйлаб қарасам, ­шаҳримизда болалар ки­йими тикишга ихтисослашган бирорта ҳам корхона ёки цех йўқ экан, — деди Олмалиқ шаҳри қатнашчиси Дилноза Шанаева. — Агар ҳудудимизда бўш турган бинони таъмирлаб, тикувчилик цехи ташкил этсак, биринчидан аёллар иш билан таъминланади, иккинчидан болалар учун арзон табиий матодан тайёрланган кийимларга эга бўламиз. Бунинг учун жуда кўп маблағ ҳам талаб қилинмайди.

— Жойларда ечимини кутаётган масалалар асосида лойиҳа тайёрлаш, кўпчиликнинг олдига чиқиб уни ҳимоя қилиш ўз-ўзидан бўлмайди, албатта, — дейди ҳакамлар хайъати аъзоси, Тошкент вилоят Тадбиркор аёллар уюшмаси раҳбари Малика Қодирхонова. — Бунинг учун ҳудудларнинг ижти­моий-иқтисодий ҳолатини ўрганиш, таҳлил этиш ва шунга қараб таклифлар тайёрлаш керак. Бу иштирокчидан катта матонат, маҳорат ва меҳнат талаб этади. Иштирокчиларнинг барчаси берилган вазифага сидқидилдан ёндашиб, масъулият билан бажаргани кўриниб турибди. Амалга оширилаётган ислоҳотларга дахлдорлик ҳисси, бандликни таъминлаш ва ҳаётда муносиб ўрин топиш иштиёқи уларни ўйлашга, ўрганишга ундагани янада қувонарли.

Қонунчилигимиздаги ўзгаришлардан хабардорлик, уларни янада такомиллаштириш бўйича билдирилган таклифларни кўпчилик қўллаб-қувватлади. Айниқса, Ангрен тумани ­иш­тирокчиси Дилдора ­Файзуллаеванинг «Таълим тўғрисида»ги қонун ҳақидаги фикрлари алоҳида ­эътироф этилди. Шу­нинг­дек, бекободлик Дил­дора ­Исмаилова «Касаба уюшмалари, уларнинг ҳу­қуқлари ва фаолиятининг кафолатлари тўғрисида»ги қо­нунни шарҳлаб, ҳаётий таклифлар билдирди.

11 нафар иштирокчининг сиёсий ҳозиржавоблигини синовдан ўтказиш учун тайёрланган саволларга берилган тезкор жавоблар опа-сингилларимизнинг танловга пухта тайёргарлик кўрганини намоён қилди. Улар орасида Ўрта Чирчиқ тумани иштирокчиси ­Нилуфар Ҳусанбоева энг юқори ­натижани қайд этди. У 10 саволнинг ҳаммасига 3 дақиқадан камроқ вақт ичида жавоб берди.

Бекободлик иштирокчи Орзигул Азимова «Ҳу­нарманд» уюшмаси Бек­обод туман бўлими қошида гилам тўқиш хусусий корхонаси ташкил этишни режалаштирибди. Унинг айтишича, «Янгиқўрғон» қишлоғидаги «Ўзбекистон» маҳалласида қулай бино бор. Гилам тўқишга кетадиган асосий хомашё эса маҳаллий чорвадорлардан олинади. Ҳозир тўқилган гиламга харидор кўп. Демак, даромад ёмон бўл­майди. Сифатли ва арзон маҳсулотларнинг ўзимизда ишлаб чиқарилганига нима етсин.

Танлов якунида Орзигул Азимованинг лойиҳаси «Энг яхши лойиҳа» номинациясида ғолиб, деб топилди. Яна бир қанча иштирокчилар турли номинацияларда диплом ва қимматбаҳо совғалар билан тақдирланди.

Умумий натижаларга кўра, учинчи ўрин Пскент тумани иштирокчиси ­Сабохон Тоирхоновага насиб қилган бўлса, ангренлик Дилдора Файзуллаева иккинчи ўринни эгаллади. Энг юқори натижа билан олмалиқлик Дилноза ­Шанаева мутлақ ғолиб деб топилиб, танловнинг республика босқичига йўлланма ол­ди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.