Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
19.11.2015

КОММУНАЛ ХИЗМАТЛАР СОҲАСИГА

замонавий ахборот-коммуникация технологиялари жорий этилмоқда

«Ўзкоммунхизмат» агентлиги томонидан ўтказилган матбуот анжуманида шу ҳақда маълумот берилди.

Президентимизнинг Ўзбекистон Республикасининг Миллий ахборот-коммуникация тизимини янада ривожлантириш чора-тадбирлари тўғрисидаги қарорига мувофиқ Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, «Ўзкоммунхизмат» агентлиги, «Ўзбекнефтгаз» Миллий холдинг компанияси, «Ўзбекэнерго» АК ҳамда Ахборот технологиялари ва коммуникацияларини ривожлантириш вазирлиги зиммасига 2016-2020 йилларда «Электрон ҳукумат» тизимининг муҳим компоненти бўлган «Коммунал» ахборот тизимлари мажмуасини яратиш вазифаси юклатилган эди.

Бугунги кунда коммунал соҳада интерактив хизматлар кўрсатишга мўлжалланган мазкур мажмуани яратиш учун коммунал соҳада хизмат кўрсатаётган корхоналар «Биллинг» тизимига интеграциялашиши талаб этилмоқда. Маълумот ўрнида шуни таъкидлаш керакки, «Биллинг» — кўрсатилган хизматларнинг автоматлаштирилган ҳисоб-китобини юритиш тизими бўлиб, уларни тарификация қилиш ва тўловларни амалга ошириш, кўрсатилган хизматлар ҳисоб варақасини шакллантиришга ихтисослаштирилган.

«Сувоқава» корхоналарида хизматларнинг автоматлаштирилган ҳисоб-китобини юритиш мақсадида «Ўзкоммунхизмат» агентлиги Ахборот технологиялари ва коммуникацияларини ривожлантириш, Молия ва Иқтисодиёт вазирликлари билан ҳамкорликда ягона техник топшириқларни ишлаб чиқди. Агентлик тасарруфидаги Туямўйин — Урганч минтақалараро сув қувурларидан фойдаланиш бошқармаси томонидан Урганч шаҳрининг «Биллинг» тизими Марказий банкнинг «Клиринг» тизимига уланди. Қолаверса, агентлик Осиё тараққиёт банки томонидан молиялаштирилаётган лойиҳа доирасида 2016 йилда автоматлаштирилган «Биллинг» тизимини республикамиздаги 41 «Сув­оқава» корхонасида жорий этишни режалаштирмоқда.

Шунингдек, тадбирда соҳадаги ютуқлар билан бирга, ечимини кутаётган масалалар ва уларни ҳал этишга йўналтирилган лойиҳалар хусусида ҳам фикр-мулоҳазалар билдирилди.

Тадбир сўнггида журналистларни қизиқтирган саволларга атрофлича жавоб қайтарилди.

 

Тоштемир ХУДОЙҚУЛОВ,

«Ўзбекистон овози» мухбири.



DB query error.
Please try later.