Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
19.11.2015

«БУ ЕРГА БИЗНИ ИШОНЧ ЕТАКЛАДИ»

ЎзХДП Бағдод туман кенгаши Ултарма қишлоғи аҳолисига партия кўчма Жамоатчилик қабулхонаси келадиган сана ҳақида бир ҳафта аввал эълон қилган эди. Белгиланган вақтда ҚишлоҚнинг кекса-ю ёшлари йиғилди. Улар орасида Қўшни Дашт, Жар, Чолюнус, Қўштегирмон, Олчин қишлоқларидан ҳам вакилларни учратиш мумкин эди.

— Яқинда Ўзбекистон ХДП вилоят кенгаши Риштон туманидаги Зоидон қишлоғида ҳам кўчма Жамоатчилик қабулхонаси ташкил этган экан. Кўпгина масалалар ечим топибди, деб эшитдик. Шунинг учун биз ҳам Ултармага келдик, — дейди Дашт қишлоғилик Шерқўзи ­Исмоилов.

— Қишлоғимизда аҳоли сони йилдан-йилга кўпайиб бораётгани ичимлик сувига бўлган эҳтиёжни ҳам оширяпти. Келгусида бу масала муаммога айланмай туриб ҳозирдан ҳаракат қилиш лозим, — деди Дашт қишлоғи вакили Манзура ­Тожиева.

Кўчма жамоатчилик қабулида ЎзХДП гуруҳи аъзоларидан ташқари туман сув, газ, электр идораларидан вакиллар, банк, ижтимоий тармоқ раҳбарлари ҳам қатнашаётган эди. Мурожаатларнинг аксарияти шу ернинг ўзида ечим топди.

— Дашт қишлоғига яна бир ичимлик суви қудуғини қуриш 2016 йил режасига киритилади, — деди Бағдод туман «Сув оқава» идораси бош муҳандиси Ўринбой Камолов.

— Қўштегирмон қишлоғини кесиб ўтувчи Ултарма — Бувайда йўналишида иккита мактаб, учта болалар боғчаси, ўнта маиший хизмат кўрсатиш шохобчаси бор. Аҳоли зич бўлса-да, автомобиллар ҳаракатининг тезлиги мос равишда чегараланмаган, — дейди Эсонали ­Шукуров. — Биз йўл ҳаракати хавфсизлиги идорасига мурожаат этдик, лекин тезликни чекловчи огоҳлантириш белгилари қўйилмади...

— Ушбу мурожаат бўйича вилоят ИИБга депутатлик сўрови киритамиз ва таклифингиз амалга ошгунча назорат қилиб борамиз, — деди халқ депутатлари туман Кенгаши депутати, ЎзХДП гуруҳи аъзоси  Маърифатхон Абдураҳмонова.

Шу куни кўчма Жамоатчилик қабулхонасида ҳаммани тинглаб, муаммо ва таклифлар эшитилмагунча эшиклар очиқ турди.

— 61 мурожаат ва таклиф қайд этилди. Уларнинг аксарияти қабул жараёнида иштирок этган туман идоралари раҳбарлари томонидан назоратга олинди. Қолганлари бўйича партия кенгаши ва гуруҳи томонидан белгиланган тартибда тегишли масъул раҳбарларга мурожаат қилинади, — дейди Ўзбекистон ХДП Боғдод тумани кенгаши раиси Зоҳиджон Тўраев.

Эскирган электр тақсимлагич — трансформаторларни янгилаш, қишлоқ ички йўлларини таъмирлаш ёки асфальт ётқизиш, мактаб, болалар муассасаларида хорижий тил ўргатиш ва ўрганиш учун техник воситалар таъминотини яхшилаш каби масалалар ҳам қабул чоғида ўртага ташланди.

— Буни қаранг, юртимиз тинч эканки, биз ҳар соҳада янада ривожланиш, фаровон ҳаёт тарзини таъминлашга хизмат қиладиган таклифлар айтяпмиз, — деди Абдуқаҳҳор ота Турдиқулов. — Биз бу ерга Ўзбекистон Халқ демократик партия­сига, унинг депутатларига ишониб келдик. Халқни бугунгидек тинглаб, унинг таклиф ва мурожаатларини ҳал этишга бел боғлаш, аввало, ҳамжиҳатлик ва бирдамликка хизмат қилади.

 

Муҳаммаджон ОБИДОВ,

«Ўзбекистон овози» мухбири.



DB query error.
Please try later.