Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
17.11.2015

ЁШЛАР ПАРТИЯНИНГ ТАЯНЧИ

Ўзбекистон Халқ демократик партияси «Истиқбол» ёшлар қаноти томонидан Тошкент автомобиль йўллар институтида «Бўлажак депутат» лойиҳаси доирасида давра суҳбати ўтказилди.

Унда Ўзбекистон Халқ демократик партияси Марказий Кенгаши, Тошкент шаҳар кенгаши ходимлари, талаба-ёшлар, партия фаоллари, БПТ раислари иштирок этди.

Партия аъзолари бўлган ёшларнинг ижтимоий-сиёсий билимларини ошириш, ҳуқуқ ва эркинликларидан фойдаланишини таъминлаш, уларда фаол фуқаролик қарашларини шакллантириш мақсадида ташкил қилинди. 

Давлатимиз раҳбарининг Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисидаги қарори бу борадаги ишлар самарадорлигини янада кенгайтиришда дастурил­амал бўлиб хизмат қилмоқда.

— Ёшлар партиянинг энг катта кучи ва суянчидир. Партия дастурий мақсадларини амалга оширишда уларнинг ташаббускорлиги, ижтимоий-сиёсий фаоллиги кучайиши муҳим аҳамиятга эга, — дейди ЎзХДП Марказий Кенгаши «Истиқбол» ёшлар қаноти етакчиси  Шоҳрухмирзо Абдураҳмонов. — Рақамларга эътибор қаратсак, 2006 йилда 30 ёшгача бўлган ёшлар партиямиз сафида 82 429 нафарни ташкил этган бўлса, бу кўрсаткич 2015 йилга келиб 127 502 нафарга етди. Демак, партиямизга хайрихоҳ бўлган, дастурий мақсадларимизни қўллаб-қувватлайдиган йигит-қизлар сони йилдан-йилга кўпайиб бормоқда. Уларнинг сиёсий билимини ошириш, партиявий ишларга қизиқишини кучайтириш биздан катта масъулият талаб этади. Шундан келиб чиқиб, бугун ­«Истиқбол» ёшлар қаноти ташкилий тизимини мустаҳкамлаш, етакчилар салоҳиятини оширишга қаратилган ижтимоий-сиёсий ўқувларни изчил йўлга қўймоқдамиз.  

Тадбир доирасида маҳорат дарси, сиёсий-интеллектуал дебат каби машғулотлар ҳам ўтказилди.

— Мамлакатимизда ёшларни ҳар томонлама қўллаб-қувватлаш, уларнинг ўз имкониятларини рўёбга чиқариши учун керакли шарт-шароит яратилган, — дейди Тошкент автомобиль йўллар институти талабаси ­Фар­ҳод Илҳомов. — Ўтказилаётган бу каби тадбирлар, семинар-тренинглар, маҳорат дарслари ёшларнинг сиёсий маданияти ва билими ошишига хизмат қилади.

Тадбирда «Истиқбол» ёшлар қаноти етакчилари ва бир гуруҳ фаол талабалар билан ҳамкорликда ёшлар орасида тар­ғибот ишлари самарадорлигини янада ошириш масалалари бўйича таклиф ва тавсиялар ҳам ишлаб чиқилди.

 

Наврўз ШОДМОНҚУЛОВ


Фикр ва мулохазалар

Защита от автоматических сообщений

Сўнгги янгиликлар: