Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
12.11.2015

«ХАБЕАС КОРПУС» — ШАХС ДАХЛСИЗЛИГИ КАФОЛАТИ

Ўзбекистон Республикаси Олий суди «Хабеас корпус» инс­титути — инсон ҳуқуқ ва эркинликларини муҳофаза қилишнинг ишончли кафолати» мавзуида матбуот анжумани ўтказди.

Тадбирда қайд этилдики, мамлакатимизда миллий қонунчилигимизни халқаро ҳуқуқнинг умумэътироф этилган қоидаларига мувофиқлаштириш бўйича демократик тамойилларга тўлиқ мос келадиган ҳужжатлар қабул қилинди. Биргина «Хабеас корпус» институтининг миллий қонунчилигимиздан мустаҳкам жой олгани ҳам бунинг ёрқин далилидир.

Президентимизнинг «Қамоққа олишга санкция бериш ҳуқуқини судларга ўтказиш тўғрисида»ги Фармонига мувофиқ 2008 йил 1 январдан бошлаб жиноят содир этишда гумон қилинаётган ёки айб­ланаётган шахсларни қамоққа олишга санкция бериш ҳуқуқи судлар ваколатига ўтказилди.

Олий суд пленумининг 2007 йил 14 ноябрдаги «Судга қадар иш юритиш босқичида қамоққа олиш тарзидаги эҳтиёт чорасининг судлар томонидан қўлланилиши тўғрисида»ги қарори бу борада ягона суд амалиётини шакл­лантиришда муҳим аҳамият касб этмоқда.

Айтиш керакки, 2012 йил 18 сентябрда қабул қилинган «Суд-ҳуқуқ тизими янада ислоҳ қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонунга мувофиқ, судга қадар иш юритиш босқичида прокурор ва терговчи томонидан қўллаб келинган айбланувчини лавозимидан четлатиш ва шахсни тиббий муассасага жойлаштириш тарзидаги процессуал мажбурлов чораларини фақат судьянинг санкцияси асосида амалга ошириш тартиби жорий этилди.

Бундан ташқари, 2014 йил 4 сентябрдаги «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонунга асосан эҳтиёт чораларининг янги тури, яъни уй қамоғи жорий қилинди.

Ушбу қонунга мувофиқ, уй қамоғи гумон қилинувчига, айбланувчига ёки судланувчига нисбатан қамоққа олиш тарзидаги эҳтиёт чорасини танлаш учун асослар мавжуд бўлганида унинг ёши, соғ­лиғи, оилавий аҳволини ва бошқа ҳолатларни ҳисобга олган ҳолда қамоққа олиш мақсадга номувофиқ, деб топилган тақдирда қўлланилади.

Матбуот анжуманида журналистларни қизиқтирган саволларга атрофлича жавоб қайтарилди.

 

Равшан ШОДИЕВ,

«Ўзбекистон овози» мухбири



DB query error.
Please try later.