Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
10.11.2015

ЮРТИМИЗ ПОЛВОНЛАРИ

беш олтин, тўрт кумуш ва иккита бронза медалига сазовор бўлишди

Эроннинг Хуррамобод шаҳрида кураш бўйича X жаҳон чемпионати ўтказилди. Беллашувларда дунёнинг қирқ икки давлатидан келган уч юз нафарга яқин полвон куч синашди.

81 килограмм вазн тоифасида гиламга тушган вакилларимиз Темурхон Тўраев ҳамда Руслан Болтаев барча рақибларини енгиб, ҳал қилувчи баҳсда ўзаро рўбарў келишди. Олтин медаль учун кечган беллашувда Темурхонга омад кулиб боқди ва у жаҳон чемпиони, деган шарафли номга сазовор бўлди.

Жаҳон чемпионатида медаллар учун асосий кураш деярли барча вазн тоифаларида ҳамюртларимиз ҳамда эронлик спортчилар ўртасида кечганлигини алоҳида таъкидлаш лозим. Жумладан, 100 кг вазн тоифасида моҳир полвонимиз ­Эркин Дониёров ярим финалда Воҳид Нури (Эрон)га қарши кураш олиб борди ва финалга йўлланмани қўлга киритди. Ҳал қилувчи баҳсда у яна бир эронлик полвон Муслим ­Нурини енгиб, терма жамоамиз жамғармасига навбатдаги олтин медални қўшиб қўйди.

Вазни 100 килограммдан оғир бўлган курашчилар беллашуви ҳам шиддатли ва муросасиз ўтди. Финалда яна ўзбекистонлик полвонлар гиламга чиқди. Муҳсин Ҳисомиддинов Бекзод Каримовдан устун келди.

Мусобақанинг навбатдаги кунида яна тўртта вазн тоифасида кучлилар номига ойдинлик киритилди. Маъруф Ғайбуллоев (66 кг), Давлат Абраев (73 кг) олтин, Раҳмон Жумаев (60 кг), Аброр Жабборов (66 кг) кумуш, Миржон Тўхтаев (60 кг), Муҳсин Хисомиддинов (мутлақ) бронза медали билан тақдирланди.

Шунингдек, жаҳон чемпионати доирасида Кураш халқаро ассоциациясининг (IKA) XV конгресси ҳам бўлиб ўтди.

Конгресс йиғилишида Италия ва Монако Кураш федерациялари ассоциацияга аъзоликка қабул қилинди.

Осиё Олимпия кенгашининг Осиё ўйинлари департаменти директори Ҳайдар Фармон Кураш халқаро ассоциацияси президенти этиб сайланди. IKA раислигига Ўзбекистон маданият ва спорт ишлари вазирининг биринчи ўринбосари Мурод Алиев сайланди.

Шунингдек, катталар ўртасида 2017 йили бўладиган жаҳон чемпионати мезбонлигига Европа, Африка ва Осиё қитъаларидан даъвогар мамлакатлар аризаси қабул қилинди. Эътиборлиси, улар орасида Ўзбекистон ҳам бор. Навбатдаги жаҳон чемпионати қаерда ўтказилиши эса келгуси конгресс йиғилишида расман эълон қилинади.

 

Эркин ХОЛБОБО,

«Ўзбекистон овози» мухбири.



DB query error.
Please try later.