Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
07.11.2015

ОДАМ САВДОСИ — МУДҲИШ ЖИНОЯТ

Ўзбекистон Республикаси ИИВ Жиноят қидирув ва терроризмга қарши курашиш Бош бошқармаси томонидан Тошкент кимё-технология институтида одам савдоси ва ноқонуний миграция мавзусида тадбир ўтказилди. Унда ноқонуний меҳнат миграцияси, одам савдосининг олдини олиш бўйича амалга оширилаётган чора-тадбирлар ҳақида сўз юритилди.

Тадбир аввалида одам савдоси жинояти бўйича жабрланганларнинг аянчли қисмати ҳақида ҳикоя қилувчи «Нигоҳ» фильми намойиш этилди.

Қайд этиш керакки, сўнгги йилларда бутун дунёда одам савдосига қарши курашиш масаласига жиддий эътибор берилмоқда. Мамлакатимизда ҳам одам савдосининг олдини олиш ва унга қарши курашиш борасида изчил чора-тадбирлар кўрилмоқда. Аввало, одам савдоси жиноятига бар­ҳам бериш учун етарли ҳуқуқий база шакл­лантирилди. Натижада бу глобал муаммога қарши курашиш ҳамда жабрланганларни ҳимоялашнинг ҳуқуқий асослари яратилди. Одам савдосига қарши курашиш бўйича Идоралараро комиссиялар тузилган.

— Маълумотларга кўра, дунёда ҳар йили тахминан 2 миллион 700 минг нафар киши бу мудҳиш жиноятдан жабр кўрмоқда. Бундай жиноятлар, афсуски, республикамизда ҳам мавжуд бўлиб, айниқса, ёшлар турли алдов ва фирибгарликлар қурбонига айланиб қолаяпти, — дейди ИИВ Жиноят қидирув ва терроризмга қарши курашиш Бош бошқармаси матбуот котиби Акмал Қодиров. — Шунинг учун ёшлар ўртасида ушбу иллатнинг хавфи ва оқибатлари ҳақида кенг тушунтиришлар олиб бориш, уларни бу борадаги вазиятдан огоҳ этиш ҳамда ҳушёрликка чақириш долзарб масаладир.

Шунингдек, тадбирда ёшлар ўртасида ноқонуний меҳнат миграцияси ва унинг олдини олиш бўйича кўрилаётган  чора-тадбирлар ҳақида ҳам сўз юритилди.

 

Равшан ШОДИЕВ,

«Ўзбекистон овози» мухбири.



DB query error.
Please try later.