Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
07.11.2015

«ЎЗБЕКИСТОН ХДПНИНГ ЭНГ ФАОЛ АЁЛИ»

кўрик-танловининг Тошкент шаҳар босқичи бўлиб ўтди

«Энг фаол» деган номга эришиш учун инсон нафақат ўз соҳасида, балки ҳар жабҳада ташаббускор, қалбан уйғоқ, теран фикрли ва албатта, билимли бўлиши керак. Ўзбекистон ХДП томонидан ўтказилаётган кўрик-танлов ҳам айни шу мақсадга хизмат қилмоқда.

Пойтахтимизнинг барча туманларида танловнинг илк босқичи бўлиб ўтди. Илғор ғояларга асосланган лойиҳалар ишлаб чиққан, ҳуқуқий ва сиёсий ҳозиржавобликка эга хотин-қизлар танловнинг иккинчи, яъни шаҳар босқичига етиб келишди.

«Сиёсий ҳозиржавоблик» шартида хотин-қизлар сиёсий-ҳуқуқий саводхонлигини синовдан ўтказишди. Ҳар бир саволга тезкорлик билан берилган жавоблар, қонунлар шарҳи ҳамда тақдим этилган лойиҳаларда қатнашчиларнинг пухта тайёргарлик кўргани намоён бўлди.

«Хотин-қизлар бандлигини таъминлашнинг энг самарали йўли» шартида истиқболли лойиҳалар тақдим этилди. Шунингдек, партия Сайлов­олди дастури ҳамда Ҳаракат дастурида белгиланган вазифалар ҳақидаги саволларга ҳам жавоб берилди.

— Танловда иштирок этиб, англадимки, инсон ўз билимини синовдан ўтказиб, кўникмаларини ошириб бориши керак экан, — деди танлов иштирокчиси Шаҳзода Қурбонова. — Сиё­сий партия аъзоси деганда ўз-ўзидан сиёсатни яхши билган, бу борада етарли билимга эга инсон тушунилади. Танловга тайёргарлик жараёнида кўплаб адабиётлар, қонун ва қонуности ҳужжатларни ўқиб, ўргандик. Гарчи, танловнинг бу босқичида ғолиб бўла олмасам-да, келгуси фаолиятим ва ҳаётим учун билимларимни бойитдим. Рақибларимнинг кучли эканлиги мени янада қувонтирди. Ана шундай аёллар сафида эканимдан фахрланаман.

Айни пайтда Тошкент шаҳрида 21 мингдан ортиқ хотин-қиз Ўзбекистон ХДП аъзоси ҳисобланади. Кўрик-танлов иштирокчилари улар орасида фаол эканликларини намоён қилишди, айтиш мумкинки, бу борада бошқаларга ўрнак бўлишди. Танловда оилавий тадбиркорлик, касаначиликни ривожлантириш орқали иш ўринлари яратишга қаратилган ҳаётий лойиҳалар юқори баҳоланди.

Танлов сўнгида ғолиблар аниқланди. Унга кўра, биринчи ўринга Юнусобод тумани иштирокчиси Севара Убайдуллаева муносиб деб топилди. Иккинчи ўринни Яшнобод тумани вакили Дилрабо ­Усмонова олган бўлса, учинчи ўрин Шайхонтоҳур туманидан Матлуба Усмоновага насиб этди. Биринчи ўрин соҳибаси кўрик-танловнинг республика босқичига йўлланмани қўлга киритди.

— Жуда ҳаяжондаман. Ғолибликни кўзлаб келган эдим ва бугун мақса­димга эришдим, — деди Севара ­Убайдуллаева. — Анчадан бери ёшлар учун ўтказилаётган «Ёш сиёсатчи» танловига ҳавас қилиб бирор-бир танловда иштирок этиш истагида юрардим. «Ўзбекистон ХДПнинг энг фаол аёли» кўрик-танлови бу ниятимни амалга оширди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.