Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
02.11.2015

«ЖИЗЗАХ МИЗ»: ЯНА БИР КОРХОНА ИШ БОШЛАДИ

52 нафар жиззахлик ёш иш билан таъминланди

Президентимизнинг 2013 йил 18 мартдаги «Жиззах» махсус индустриал зонасини барпо этиш тўғрисидаги фармонида кўзда тутилган имконият, имтиёз ва қулайликлар кўпгина хорижлик ҳамкорлар ҳамда инвесторларни эътиборсиз қолдирмаяпти. Ўзаро аҳдлашувлар асосида янги, замонавий корхоналар, инфратузилма объектлари барпо этилмоқда. Бунинг натижасида юзлаб янги иш ўринлари яратилаяпти. Одамларнинг эртанги кунга бўлган ишончи ортмоқда.

Яқинда бу ерда «JUITA GULSHANA INVEST» Ўзбекистон — Хитой қўшма корхонаси иш бошлади. Айни пайтда у ўзининг дастлабки маҳсулотларини буюртмачиларга етказиб бераяпти. Корхонанинг лойиҳа қиймати 3 миллион АҚШ долларидан ошиқ бўлиб, замонавий япон технологияси асосида саноатлашган тикув дастгоҳлари ишлаб чиқаришга ихтисослашган.

— Бир неча турдаги тикув машиналари ишлаб чиқаришни йўлга қўйганмиз, — дейди корхона раҳбари Равшан ­Бобоев. — Жорий йилда енгил саноат тизими учун 10 минг дона тикув дастгоҳлари етказиб бериш кўзда тутилган. Тўла қувват билан ишлай бошлаганимиздан сўнг йилига 15 минг дона тикув машинаси ишлаб чиқариш имкониятига эга бўламиз. Маҳсулотларимизнинг учдан бир қисмини хорижга экспорт қилишни мўлжаллаяпмиз.

Корхонанинг ишга туширилиши туфайли 52 янги иш ўрни яратилди. Уларнинг асосий қисмида қисқа муддатли қайта тайёргарликдан ўтган касб-ҳунар коллежлари битирувчилари ишлашаяпти.

Тез орада корхона негизида ишлаб чиқаришнинг янги тармоқларини очиш кўзда тутилган. Булар — даст­гоҳларнинг чўян корпусларини тайёрлаш, ип ўраш, ярим сунъий иплар, кийимлар учун безак тошлар, молниялар (молния-замок), кийим-кечакларни ўровчи материаллар кабилардир. Ушбу лойиҳалар амалга ошганидан сўнг мазкур корхонада яна 50 дан зиёд янги иш ўрини яратилади.

Шундай қилиб, жорий йилда МИЗ ҳудудида учта замонавий ишлаб чиқариш корхонаси иш бошлади. Булар барча турдаги автотранспорт воситалари учун тормоз колодкалари ишлаб чиқаришга ихтисослашган «Auto Rad System», металл ва гипсокартон жиҳозлари тайёрлайдиган «Master Screw Systems», турли ҳажмдаги полипропилен трубалар ишлаб чиқарадиган «Master Bilding Products» қўшма корхоналаридир. Уларнинг ҳар қайсисида бугун 70-90 нафар касб-ҳунар коллежи битирувчиси меҳнат қилмоқда.

 

Иброҳим ЖОНУЗОҚОВ,

«Ўзбекистон овози» мухбири. 


Фикр ва мулохазалар

Защита от автоматических сообщений

Сўнгги янгиликлар: