02.11.2015

САВДО КЎРГАЗМАСИ

Юнус Ражабий номидаги мусиқали драма театрида Ўзбекистон Савдо-саноат палатаси ҳамда Ҳиндистон ҳунарманд­лик буюмлари экспортини ривожлантириш кенгаши томонидан миллий ҳинд ҳунармандчилиги кўргазмаси ташкил этилди. Бу ҳақда Жиззах вилоят ҳокимлиги матбуот хизмати хабар бермоқда.

— Биз бундан аввал Наманган, Қашқадарё ва Сурхондарё вилоятларида ҳам ана шундай кўргазма ташкил қилиб, ўз маҳсулотларимизни намойиш этдик, — дейди кўргазма ташкилотчиларидан бири, Ҳиндистоннинг «Great India Welfare Association» компанияси директори Санжив Упадхяй. — Бугун эса жиззахликларга 200 дан ортиқ турдаги заргарлик, уй-рўзғор буюмлари, халқ амалий санъати, косметика ва тўқимачилик маҳсулотларимизни тақдим этаётганимиздан мамнунмиз. Ташрифимиз давомида ўзбекистонлик тадбиркорлар билан узоқ муддатли ҳамкорлик алоқаларини ўрнатиш ниятидамиз.

Кўргазма давомида икки мамлакат тадбиркор ва ишбилармонлари ўртасида ўзаро тажриба алмашиш, савдо-сотиқ алоқаларини йўлга қўйиш борасида шартнома ва келишув битимлари имзоланди.



DB query error.
Please try later.