Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.10.2015

ГИМНАСТИКА БАРЧА УЧУН

Пойтахтимизнинг Яккасарой туманидаги 38-болалар ва ўсмирлар спорт мактабида 14 ёшгача бўлган имконияти чекланган болалар ўртасида «Гимнастика барча учун» шиори остида спорт мусобақаси ўтказилди.

Мазкур турнир Ўзбекистон Хотин-қизлар қўмитаси, Ўзбекистон махсус олимпиада ташкилоти ва Миллий паралимпия ассоциацияси томонидан Маданият ва спорт ишлари вазирлиги, Гимнастика федерацияси ва Болалар спортини ривожлантириш жам­ғармаси ҳамкорлигида ташкил этилди.

Президентимиз раҳнамолигида мамлакатимизда жисмоний имкония­ти чекланган ёшларни ҳар томонлама қўллаб-қувватлаш, уларнинг билим олиши, саломатлигини мустаҳкамлаши, ўз қизиқиш ва интилишига мос касб-ҳунар эгаллаши, спорт билан шуғулланишига доимий эътибор қаратилмоқда.

Бадиий ва спорт гимнастикаси, аэробика, акробатика, трамполин, фольклор, замонавий рақс, фитнес машғулотларини ўзида бирлаштирган гимнастрада аҳолини соғлом турмуш тарзига жалб этишда муҳим воситалардан бири саналади.

Мусобақада Тошкент шаҳридаги махсус спорт мактаблари ҳамда ­Мурувват уйи тарбияланувчиларидан ташкил топган жамоалар иштирок этди. Шайхонтоҳур туманидаги 37-имконияти чекланган болалар учун ихтисослаштирилган мактаб тарбияланувчилари биринчи ўринни эгаллади. 1- ва 2-Мурувват уйлари тарбияланувчилари кейинги ўринларни банд этди.

Мусобақанинг очилишида Ўзбеки­с­тон Республикаси Бош вазирининг ўринбосари, Республика ­Хотин-қизлар қўмитаси раиси Э.Боситхонова сўзга чиқди.

 

Н.НАСРИЕВ,

ЎзА мухбири.



DB query error.
Please try later.