Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.10.2015

ИЛМ ВА ИНСОНИЙЛИК ЙЎЛИ

«Киночилар уйи»да таниқли навоийшунос олим, академик Азиз Қаюмов, филология фанлари доктори, профессор Наим Каримов ва Ўзбекистон халқ рассоми академик Ортиқ Файзуллаевнинг ҳаёти, ижодий фаолияти ва илмий изланишлари ҳақида ҳикоя қилувчи  ҳужжатли фильмлар тақдимоти бўлиб ўтди.

«Ўзбеккино» Миллий агентлиги буюртмасига биноан суратга олинган мазкур «Адабиёт сарманзиллари», «Дониш дарахти» ва «Уста» номли фильмлар қаҳрамонлари билан ижодий учрашув ўтказилди.

— 1 октябрь — Ўқитувчи ва мураббийлар куни юртимизда умумхалқ байрами сифатида кенг нишонланади, — дейди академик Азиз Қаюмов. — Сабаби ўқитувчилар бутун ҳаётини, куч-қувватини зиё улашишга, соғлом авлод тарбиясига бағишлаган инсонлардир. Бизга таълим берган ўқитувчилар номини ҳурмат билан ёдга оламиз. Уларга доимо таъзимдамиз. Юртимиз мактабларида ишлаётган барча ўқитувчилар соғ-саломат бўлсин. Ёшлар тарбиясига шундай муҳаббат билан ёндашиб, ҳар томонлама баркамол авлодни вояга етказиш йўлида ҳормай-толмай меҳнат қилишларини тилайман.

Мазкур ҳужжатли фильмлар Президентимиз томонидан тасдиқланган «Кексаларни эъзозлаш йили» Давлат дастури ижроси доирасида суратга олинган. Дастурда фан, маданият ва санъатда катта натижаларга эришган, буюк илмий, адабий, мусиқали асарлар бошқа маданий қадриятлар яратган ватандошларимиз ҳаёти ва фаолия­ти ҳақидаги «Умрбоқий сиймолар» номли ҳужжатли фильмлар туркумини яратиш белгилаб қўйилган.

Йил якунига қадар  яна бир қатор ўз соҳасининг етук намояндаларининг ижод йўли ҳақида ҳикоя қилувчи фильмлар тақдимоти уюштирилиши режалаштирилмоқда.

Тақдимот маросимида фильм қаҳрамонлари билан бир қаторда уларнинг шогирдлари ва кўплаб таниқли олимлар, ижодкорлар иштирок этди.

 

Шаҳбоз САИДОВ



DB query error.
Please try later.