22.09.2015

БОЛАЛАР КИТОБЛАРИ ФЕСТИВАЛИ

Матбуот ва ахборот агентлиги томонидан бир қатор вазирлик, идоралар билан ҳамкорликда Қорақалпоғистон Республикаси, вилоятлар ҳамда Тошкент шаҳрида «Соғлом ва маънавий етук авлод — юрт келажаги!» шиори остида ўтган Республика «БОЛАЛАР КИТОБИ» байрамида 60 дан зиёд нашриёт ва матбаа корхоналари ўз маҳсулотлари билан иштирок этди.

Байрамнинг бош тад­бири пойтахтимизнинг Ғафур Ғулом номидаги маданият ва истироҳат боғида бўлиб ўтди.

— Бутун мамлакатимиз бўйлаб ўтказилаётган китоб байрамида мактаб ўқувчилари, ёшлар, кексалар, қўйингки китобни севадиган инсонлар қатнашмоқда, — деди Матбуот ва ахборот агентлиги Бош директори Омонулла Юнусов. — Мақсадимиз фарзандларимизнинг саводхонлик ва китобхонлик даражасини ошириш, китоб мутолаасига бўлган эътиборини кучайтириш, қолаверса, уларнинг талаб ва таклифи асосида янги-янги асарлар чоп этиш ва кенг китобхонлар оммасига етказиб беришдан иборат.

— Мен Чилонзор тумани, 164-умумтаълим мактабида ишлайман, — дейди Зебо ­Бекмуродова. — Китоб байрами ҳа­қиқий халқ сайлига айланиб кетди, бунчалик бў­лишини тасаввур қилмаган эдим. Фарзандларим саргузашт асарларни ях­ши кўради, жуда қизиқарли китоблар харид қилдим. Излаган китобларимизни топганимиздан хурсандмиз.

— Эсимни таниганимдан бери китоб менинг энг яқин ҳамроҳим, — дейди матбаачи Холида Ғуломова. — Бир умр шу соҳада меҳнат қилганман, фарзандларимни ҳам китобга меҳр руҳида тарбия­ладим. Мана бу китобларни қаранг, кўриб ҳавасингиз келади. Жуда сифатли, ўзгача дид билан безатилган.

— Мен бу йил Тошкент темир йўл транспорти муҳандислари институтига ўқишга кирдим,— дейди Шаҳбоз Худойбердиев. — Китоб байрамига тенгдошларим билан келдик. Президентимизнинг «Юксак маънавият — енгилмас куч» асарини олдим.

— Сурхондарёнинг Жар­­­­­­қўр­ғонидан бўламан, — дейди Орол Жангиров. — Булар невараларим Покиза, Шоҳжаҳон, Жонибек. Улар мени шу боғга олиб келишди. Бу ердаги китобларни кўриб кўз қамашади. Фақат уларни ўқиш керак. Мана сизга ғамхўрлигу мана сизга эътибор. Пенсия пу­лимдан набираларимга кўп китоб олиб бердим. Нарх­лари арзон.

— Болаларим, севимли дўстларим, мен бир умр китоб ёзганман. Бутун ҳаётим китоблар ичида ўтмоқда, — дейди Ўзбекистон халқ ёзувчиси ­Худойберди Тўхтабоев. — Бугунги ҳая­жонларимни, қувончимни сўз билан ифодалаш қийин. Бу маънавият, адабиёт байрами. Болалар адабиётини ривожлантиришга эътиборни қа­ранг. Болаларимизга яратилган имкониятларни кўриб, болалардай хурсанд бўляпман, бола бўлиб яшараяпман.

 

Озода БЕКМУРОДОВА,

«Ўзбекистон овози» мухбири.



DB query error.
Please try later.