22.09.2015

ҚОНУН ИЖРОСИ БЎЙИЧА

назорат-таҳлил ишлари олиб борилмоқда

Нўмонжон АКБАРОВ, Олий Мажлис Қонун­чилик палатасидаги ЎзХДП фракцияси ­аъзоси, Ахборот ва коммуни-кация технология­лари масалалари қўмитаси аъзоси:

Шу кунларда Олий Мажлис Қонунчилик палатасининг 2015 йил ҳамда кейинги йилларга мўлжалланган ташкилий-ҳуқуқий тадбирлари, Қонун ижодкорлиги ва назорат-таҳлил ишлари Дастурига мувофиқ, Ахборот ва коммуникация технологиялари масалалари қўмитаси томонидан «Телекоммуникациялар тўғрисида»ги Қонуннинг Қорақалпоғистон Республикаси ва Тошкент вилоятидаги ижроси назорат-таҳлил тартибида ўрганилмоқда.

Мазкур назорат-таҳлил фаолияти «Телекоммуникациялар тўғрисида»ги Қонуннинг амалга татбиқ этиш жараёнини чуқур ўрганиш, ахборот соҳасидаги қонунчилик, ҳуқуқни қўллаш амалиётини такомиллаштириш масалалари бўйича зарур таклиф ва тавсиялар ишлаб чиқишга қаратилган.

Аввало, таъкидлаш керакки, қонун фойдаланувчиларни замонавий алоқа ва давлат интерактив хизматлари билан таъминлаш, миллий телекоммуникация инфратузилмасини ривожлантириш ва шакллантириш билан боғлиқ муносабатларни тартибга солишга хизмат қилади. Ўтган даврда қонун нормалари орқали ахборот коммуникация хизматлари сектори ҳисобланган юқори технологияли миллий иқтисодиётнинг иқтисодий асослари шакллантирилди. Шу боис қонун талабларининг ижросини амалда таъминлаш муҳим аҳамиятга эгадир.

Назорат-таҳлил фаолияти давомида Ахборот технологиялари ва коммуникацияларини ривожлантириш вазирлигининг телекоммуникацияларни ривожлантириш миллий дастурлари, стандартлар, нормалар ва қоидаларни ишлаб чиқишдаги фаолиятига алоҳида аҳамият берилди. Шунингдек, телекоммуникация бозорини шакллантириш ва ривожлантириш, телекоммуникация тизими хизматидан фойдаланувчиларнинг ҳуқуқлари ва қонуний манфаатларини ҳимоя қилиш, давлат бошқаруви органлари, операторлар ва провайдерларнинг телекоммуникациялар тармоқлари ҳамда хизматларини ривожлантириш масалаларини мувофиқлаштириш борасидаги фаолияти ўрганиб чиқилди.

Маълум бўлишича, қишлоқ жойларида аҳолининг кенг полосали интернет ҳамда давлат интерактив хизматларидан фойдаланиш даражасини ошириш кун тартибидаги долзарб масалалардан бири бўлиб турибди.

Шу билан бирга, Қорақалпоғистон Республикаси ва Тошкент вилоятининг айрим жойларида аҳолига қулайлик яратиш мақсадида савдо шохобчаларини етарли даражада тўлов терминаллари билан таъминлаш, коммунал хизматлар борасида истеъмолчиларга замонавий электрон ҳисоблагичлар ўрнатиш юзасидан амалий кўмак бериш зарур.

Яна бир аҳамиятли жиҳати шундаки, давлат статистик маълумотларини таҳлил қилиш билан бирга бевосита фуқаролик жамияти институтлари иштирокида телекоммуникация ҳамда давлат интерактив хизматлари кўрсатилишидан истеъмолчиларнинг қониқиш даражасини ўрганиш бўйича социологик тадқиқотлар ўтказилмоқда.

Назорат-таҳлил фаолияти давомида партиямиз электорати билан ҳам яқиндан ҳамкорлик қиляпмиз. Бу партиямиз Сайлов­олди дастуридан келиб чиқиб, қонуннинг амалдаги ҳолатини таҳлил қилишимизда қўл келмоқда. Шуларнинг барчаси қонун ижроси самарадорлигини таъминлаш, уни замонавий талаблар доирасида янада такомиллаштириш бўйича асосли таклифлар ишлаб чиқишга имкон яратади.



DB query error.
Please try later.