19.09.2015

ТАРҒИБОТ ТАЪСИР КУЧИ

нималарга боғлиқ?

Тарғибот одамларга ғоявий таъсир этишнинг энг самарали усули ҳисобланади. Ғоялари кенг қўллаб-қувватланишини, жамиятда мустаҳкам ўринга эга бўлишни, тарафдорларини кўпайтиришни, электорати манфаатларини самарали ҳимоя қилишни истаган сиёсий партия, аввало, тарғибот ишларига жиддий эътибор қаратиши лозим.

Хўш, ЎзХДП Қорақалпоғистон республика кенгаши бу борада қандай ишларни амалга оширмоқда? Тарғиботчилар гуруҳи фаолиятини янада кучайтиришга оид қандай таклифларингиз бор?

Нурлан КИШАНОВ, ЎзХДП Қорақалпоғистон республика кенгаши раиси ўринбосари:

— Тарғибот тадбирлари Ўзбекистон Халқ демократик партияси фаолия­тининг асосий йўналишларидан бири ҳисобланади. Бугунги кунда ЎзХДП Қорақалпоғистон республика, туман ва шаҳар кенгашлари қошидаги тарғибот гуруҳларида 187 нафар ҳаётий ва партиявий тажрибага эга бўлган кишилар, сиёсатшунос олимлар, партия­дан сайланган барча даражадаги депутатлар фаолият олиб бор­япти.

Жорий йилда ўтказилаётган тадбирларда асосий эътибор «Кексаларни эъзозлаш йили» Давлат дастури, мазкур ҳужжат асосида юртимизда қилинаётган ишлар, партия дастурий ғоялари, Сайловолди дастурини амалга ошириш юзасидан партия ташкилотлари, депутатларимиз томонидан илгари сурилаётган ташаббуслар тарғиботига қаратилмоқда.

«Кексаларни эъзозлаш йили» муносабати билан 20 марта давра суҳбати ташкил этилиб, унда 600 нафарга яқин партия аъзоси қатнашди. «Кексаларимизнинг фаровон ҳаёти учун масъулмиз!» лойиҳаси доирасида эса 39 тадбир ташкил этилди. Ўтказилган тадбирларда «Тарғиботчилар гуруҳи» аъзолари фаол иштирок этиб келмоқда.

Барчамизга маълумки, тарғибот-ташвиқот ишларида сиёсий ва фуқаролик маърифати тизимидаги ўқувларнинг аҳамияти катта. Шу боис сиёсий семинар ва ўқувларни юқори савияда ўтказишга ҳаракат қилаяпмиз. Жорий йилнинг шу даврига қадар сиёсий ва фуқаролик маърифати тизими доирасида 200 га яқин ўқув-семинар ўтказилиб, уларда 8900 нафарга яқин партия аъзоси ва электорат вакили иштирок этди.

Мазкур ўқув йилида партия Қорақалпоғистон республика кенгаши томонидан ўтказилган сиёсий семинарлар асосида 7 номдаги услубий қўлланма тайёрланиб, барча минтақавий партия кенгашларига ўқув маш­ғулотлари ва оммавий-сиёсий тадбирларни ташкил этишда фойдаланиш учун юборилди.

Менимча, тарғибот-ташвиқот ишларининг таъсирчанлигини ошириш учун энг аввало, одамлар орасида бўлиш, оддий кишилар билан ҳаётий мавзуларни муҳокама этиш, ҳудудлардаги мавжуд камчилик ва муаммоларни биргаликда таҳлил этиш лозим. Шунда одамлар бизни эшитади, давра суҳбатларида фаол иштирок этади, тар­ғибот таъсирчанлиги кучаяди. Тарғибот тадбирларини оддий, самимий руҳда, аҳоли билан очиқ мулоқот тарзида ташкил этиш яхши самара беради, деб ўйлайман. Бу борадаги тажриба таҳлили ҳам шундан далолат беради.

Шунингдек, тарғиботчилар илғор тажрибалар, умумэътироф этилган сиё­сий технологиялардан кенг фойдаланиши керак. Яна бир гап. Биз тадбирда мавзуни муҳокама қилиш чоғида кўпроқ қиёсий таҳлилларга эътибор қаратишимиз керак. Бу одамлар онгига тез таъсир қилади ва мавзуни чуқур англашига ёрдам беради.



DB query error.
Please try later.