17.09.2015

ХОТИН-ҚИЗЛАР ФАОЛЛИГИ

тараққиётга хизмат қилади

Навоий вилоятида «Кучли ижтимоий сиёсат — хотин-қизлар турмуш фаровонлигини оширишнинг муҳим омили» мавзусида давра суҳбати бЎлиб ўтди. Унда сўзга чиққанлар мамлакатимизда хотин-қизларни ҳар томонлама қўллаб-қувватлаш, уларнинг иқтидор ва истеъдодларини рўёбга чиқариш борасида олиб борилаётган кенг қамровли ислоҳотларга тўхталиб ўтишди.

— Бугун жамият равнақида хотин-қизлар фаоллиги ортмоқда, — деди ЎзХДП Навоий вилоят Кенгаши раиси Акмал Асатов. — Бу жараёнда партиямиз иштироки ҳам кучайиб бормоқда. Хусусан, жорий йилнинг шу давригача вилоятимизда хотин-қизларнинг ижтимоий-сиёсий фаоллигини оширишга қаратилган 60 дан ортиқ спорт тадбири, 100 га яқин сиёсий ўқув ташкил этилди. Партиямиз томонидан аёллар бандлигини таъминлаш, уларни касаначилик ва оилавий тадбиркорликка жалб этишга қаратилган ло­йиҳалар асосида 22 нафар хотин-қизга мутахассислиги асосида ишга жойлашишига кўмаклашилди.

— Инсон ва унинг манфаати устувор саналган юртимизда аёлларнинг меҳнат қилиши учун керакли имкониятлар яратилмоқда, — деди ЎзХДП Марказий Кенгаши сектор мудири Гулшан Асатова. — Мамлакатимиз бўйлаб ЎзХДП аъзолари сони 400 минг­га етган бўлса, уларнинг 185 минг нафарини хотин-қизлар ташкил этади. Ҳозирда партия­миз ташаббуси билан юртимиз ҳудудларида «Маҳалла — аҳолини манзилли ижтимоий қўллаб-қувватлаш маркази», «Ижтимоий ҳимоядан — ижтимоий фаоллик сари», «Коллеждан — корхонага» лойиҳалари асосида хотин-қизлар манфаатларини ҳимоя қилишга қаратилган кўплаб тадбирлар бўлиб ўтяпти. Айниқса, бундай тадбирларни энг чекка ҳудудларда ўтказиш, қишлоқларда истиқомат қилувчи аёлларни ижти­м­оий ҳимоя қилиш масаласига эътибор қаратяпмиз.

Тадбир сўнггида хотин-қизларни ижтимоий ҳимоя қилишга қаратилган ишлар кўламини янада кенгайтириш бўйича чора-тадбирлар белгиланди.

 

Илҳом САТТОРОВ,

«Ўзбекистон овози» мухбири.

 

* * *

Андижон вилоятида ҳам шу мавзудаги давра суҳбатлари, турли тадбирлар бўлиб ўтмоқда. ЎзХДП Марказий Кенгаши ҳамда вилоят партия кенгаши томонидан ўтказилган семинарда депутатлар, партия фаоллари, фахрийлар ҳамда жамоатчилик вакиллари иштирок этди. Унда сўзга чиққанлар жамиятда хотин-қизлар фаоллигини ошириш борасидаги ишлар хусусида сўз юритишди.

ЎзХДП Марказий Кенгаши бўлим мудири Назира Матёқубова бу борада ўтказилаётган тадбирларнинг мазмун-моҳияти, мақсад-вазифалари хусусида тўхталиб ўтди. Юртимизнинг чекка ҳудудларида истиқомат қилувчи хотин-қизларнинг жамиятда муносиб ўринга эга бўлиши учун яқиндан кўмаклашиш, уларнинг ислоҳотларга дахлдорлигини янада ошириш лозимлигини таъкидлади.

ЎзХДП Андижон вилоят кенгаши раиси Абдул­ҳамид Нурматов истиқлол йилларида хотин-қизларни ҳар томонлама қўллаб-қувватлаш, турмуш шароитини янада яхшилаш, имтиёзлар яратиш борасида олиб борилаётган кенг кўламли чора-тадбирлар ҳақида сўз юритди. Уларнинг сиёсий жараёнларда фаол иштирокини таъминлаш, электоратимиз вакилларининг қизиқиш ва интилишларини рағбатлантириш долзарб вазифа эканини таъкидлади.

Партия тизимида фаол ва самарали меҳнат қилаётган 30 нафар опа-синглимиз ЎзХДП Марказий Кенгашининг ташаккурномаси ва эсдалик сов­ғалари билан тақдирланди. Шу куни 160 нафар хотин-қизга ЎзХДПга аъзолик гувоҳномалари топширилди.

 

ЎзХДП Андижон вилоят кенгаши

Матбуот хизмати.



DB query error.
Please try later.