Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
15.09.2015

«БИЗ ЎЗБЕКИСТОН ХАЛҚ ДЕМОКРАТИК ПАРТИЯСИНИ ТАНЛАДИК»

Мамлакатимиз ҳаётида сиёсий партияларнинг таъсир кучи тобора ошиб бормоқда. Хусусан, ижтимоий масалаларни ўрганиш ва уларни ҳал этиш бўйича давлат вакиллик органлари, депутатларнинг ваколатлари кенгаймоқда, фаоллиги кучаймоқда. ЎзХДП ташкилотлари, барча даражадаги депутатлик бирлашмалари жойларда ижтимоий масалаларни ҳал қилиш бўйича қатор ташаббусларни илгари сурмоқда. Натижада одамларнинг партиямизга ишончи мустаҳкамланяпти.

Яқинда Андижон вилоятида ҳам бир гуруҳ ёшлар ЎзХДП аъзолигига қабул қилинди. Хўш, улар нега ЎзХДПни танлади?

Гулчеҳра ҲОШИМОВА, Қорасув шаҳар халқ таълими муассасалари ­фаолиятини методик таъминлаш ва ташкил этиш бўлими ходими:

— Мен шу йилнинг август ойида ЎзХДП сафига кириш ҳақидаги ариза билан партияга мурожаат қилдим. Анчадан бери партия томонидан ўтказиладиган тадбирларда иштирок этиб келяпман. Амалий лойиҳаларини кузатиб бормоқдаман. ЎзХДП фаолияти асосини ижтимоий ҳимоя масалалари ташкил этгани ушбу партияни танлашимга туртки бўлди.

Фикримча, ижтимоий ҳимоя фақатгина моддий ёрдам кўрсатиш билан белгиланмайди. Инсонни ҳар томонлама қўллаб-қувватлаш, маънавий рағбатлантириш, уни турли салбий омиллардан сақлаш ижтимоий ҳимоянинг асоси, деб тушунаман. Мен танлаган партия ёлғиз кексаларнинг ҳолидан хабар олиш, уларга моддий ва маънавий ёрдам кўрсатиш, ишга лаёқатли фуқаролар бандлигини таъминлаш, жисмоний имконияти чекланганларга кўмак бериш каби эзгу ишларни амалга ошириб келади. Яқинда бир танишим ЎзХДП Жамоатчилик қабулхонасининг кўмаги билан ишга жойлашди. Бу партияга ишончимни янада оширди. Фуқароларнинг мурожаатини тинглаб, уларни ўйлантираётган ­муаммоларга ечим топишда фаоллик кўрсатаётган партия сафига киришга қарор қилдим.

Зумрадхон ЭМИНОВА, Бўз туманидаги «Обод» қишлоқ фуқаролар йиғини масъул котиби:

— Қишлоқ фуқаролар йиғинида ЎзХДПнинг ҳудудий партия ташкилоти фаолият олиб боради. Бу ерда партия аъзолари сони кўп. Мен ҳам қизиқиб, ҳудудий партия ташкилоти тадбирларида қатнашдим. Кейинчалик партиянинг туман миқёсида ўтказиладиган ло­йиҳаларида иштирок этдим. Айниқса, иш ўринлари ташкил этиш, касб-ҳунар коллежлари битирувчилари банд­лигини таъминлашга қаратилган меҳнат ярмаркалари, турли форумлар менга жуда маъқул келди. «Маҳалла — аҳолини манзилли ижтимоий қўллаб-қувватлаш маркази» лойиҳаси доирасида қишлоғимизда ҳам қатор тадбирлар ташкил этилди.

Аҳолининг ижтимоий ҳимояга муҳтож қатламига ёрдам кўрсатиш, бандликни таъминлашни фаолиятининг устувор йўналиши сифатида белгилаб, сезиларли натижаларга эришаётган партия эътиборимни торт­ди. ЎзХДП туман кенгаши раиси Матлуба Тўйчиевага партияга аъзо бўлиш истагим борлигини айтдим. Партия дастури, Сайловолди дастури билан яқиндан танишдим. Очиғи, ЎзХДПнинг мақсад ва ғоялари, ­фаолияти менинг ҳаётий қарашларимга мос экан. Шу боис мазкур партия сафида сиёсий жараёнларда фаол қатнашишга қарор қилдим.

Ўзбекистон Халқ демократик пар­тияси сафида туриб, унинг ғояларини кенг тарғиб қилишга ҳисса қўшишдан, шу орқали ижтимоий ҳимояга муҳтож одамлар манфаатларини ҳимоя қилишдан мамнунман.

Мафтуна ҚАҲҲОРОВА, Булоқбоши иқтисодиёт ва енгил саноат коллежи ЭҲМ оператори:

— Мамлакатимизда бўлаётган ижтимоий-сиёсий жараёнларни мунтазам кузатиб бораман. Кейинги йилларда демократик жараёнларни чуқурлаштириш, кучли фуқаролик жамияти қуриш, сиёсий партиялар фаолиятини кучайтиришга жиддий эътибор қаратилаётгани ҳаммага маълум. Ана шу жараёнларда фаол иштирок этишни ният қилдим. Аввал мамлакатимизда фаолият олиб бораётган тўртта сиёсий партиянинг дастурий мақсадлари билан танишиб чиқдим. Уларнинг ҳар бири ўзига хос йўлни танлаган. Ўзбекистон Халқ демократик партия­си илгари сураётган ғоялар менга кўпроқ маъқул бўлди.

Хусусан, партия Сайловолди дастурида белгиланган жамиятнинг барча қатламларига эркин ва тенг таълим олиш имкониятларини яратиш масаласи эътиборимни тортди. Жамиятда ижтимоий адолат тамо­йилларини қарор топтириш, аҳолининг кўмакка муҳтож, жисмоний имконияти чекланган кишиларга ёрдам беришга қаратилган ғоялар, бу борадаги амалий саъй-ҳаракатлар ЎзХДПга интилишимни кучайтирди.

 

«Ўзбекистон овози» мухбири

Зилола УБАЙДУЛЛАЕВА

ёзиб олди.



DB query error.
Please try later.