12.09.2015

АТРОФ-МУҲИТ МУҲОФАЗАСИ —

аҳоли саломатлигининг муҳим омили

Олий Мажлис ҳузуридаги Нодавлат нотижорат ташкилотлар ва фуқаролик жамиятининг бошқа институтларини қўллаб-қувватлаш Жамоат фонди маблағларини бошқариш бўйича Парламент комиссиясининг йиғилиши бўлиб ўтди. Унда Олий Мажлис Қонунчилик палатаси депутатлари, Парламент комиссияси аъзолари, Экоҳаракат фаоллари ҳамда соҳага алоқадор вазирлик, идора ва ташкилотлар вакиллари иштирок этди.

Йиғилишда Ўзбекистон Экологик ҳаракатининг 2014 йил ва 2015 йилнинг биринчи ярим йиллик якунларига бағишланган ҳисоботи эшитилди. Таъкидландики, атроф-муҳит муҳофазаси ва экологик ҳолатни соғломлаштириш ишида жамоатчилик иштирокини кучайтиришга қаратилган дастурий вазифалар амалга оширилган. Шу мақсадда ўтган йили 300 дан ортиқ, жорий йилнинг 6 ойида эса 200 дан зиёд тадбир ўтказилган.

Шу билан бир қаторда, ҳисобот даврида атроф-муҳит ва аҳоли саломатлигини муҳофаза қилиш соҳасидаги қонунчиликни такомиллаштиришга ҳам жиддий эътибор қаратилган. Олий Мажлис Қонунчилик палатасидаги Экоҳаракат депутатлари томонидан қатор назорат-таҳлил тадбирлари ўтказилган, фуқароларнинг бу йўналишдаги мурожаатлари маҳаллий давлат ҳокимияти ва бошқаруви органлари, жамоатчилик ташкилотлари жалб қилинган ҳолда ўрганилиб, ҳал этилган.

Шунингдек, йиғилишда аҳолининг экологик маданиятини юксалтириш, экологик таълим ва тарбия тизимини ривожлантириш борасида олиб борилаётган ишлар ҳам таҳлил этилди.

Йиғилиш якунида билдирилган таклиф ва тавсиялар асосида тегишли қарор қабул қилинди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.