12.09.2015

САВОЛ-ЖАВОБ

Наргиза МАДРАҲИМОВА, Наманган вилоятидан:

— Бугунги кунда мамлакатимизда сиёсий партиялар фаолияти жонланиб, депутатларга ишонч ортиб бормоқда. Яқинда бир танишим ЎзХДП жамоатчилик қабулхонсига мурожаат қилган эди. Депутат сўрови билан масала ҳал этилишини маълум қилишибди. Менга депутат сўрови ҳақида кенгроқ тушунча берсангиз. Депутат сўрови нима дегани, унинг ҳуқуқий мақоми қандай?

Садоқат АХМАНОВА, Яшнобод тумани 10-сон нотариал идораси нотариуси:

— Депутат сўрови ҳақида «Халқ депутатлари вилоят, туман ва шаҳар кенгаши депутатининг мақоми тўғрисида»ги қонунда белгилаб қўйилган. Яъни, депутат тегишли ҳудудда жойлашган давлат ҳокимияти ва бошқаруви органининг мансабдор шахсларига уларнинг ваколатларига кирадиган масалалар юзасидан асосланган тушунтириш бериш ёки ўз нуқтаи назарини баён қилиш талаби билан депутат сўрови юборишга ҳақли. Соддароқ қилиб айтганда, фуқаролар томонидан депутатга қилинган мурожаат, депутатлар томонидан ўрганилган масала бўйича депутат сўрови юборилади.

Давлат ҳокимияти ва бошқаруви органларининг мансабдор шахслари депутат сўровига жавобни депутатга мазкур сўров олинган кундан эътиборан ўн кундан кечиктирмай юборишлари лозим.

Қонунга кўра, судларнинг раисларига, прокурорларга, суриштирув ва тергов органларининг раҳбарларига йўлланган депутат сўрови уларнинг иш юритувидаги муайян ишлар ҳамда материалларга тааллуқли бўлмаслиги керак.

Депутатлар томонидан юборилган сўровлар бўйича ахборот тегишли халқ депутатлари Кенгашининг мажлисида муҳокама қилиниши мумкин.



DB query error.
Please try later.