Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
10.09.2015

ЁНИБ ЯШАЁТГАН ОДАМ

Халқ депутатлари Наманган вилоят Кенгаши депутати Исоқжон Мадраҳимовнинг ибратли ишлари ҳақида

Ўн беш йилдирки, тадбиркор Исоқжон Мадраҳимовнинг саъй-ҳаракати билан «Поп-нон савдо» масъулияти чекланган жамияти аҳолига хизмат кўрсатиб келмоқда. Ўтган давр ичида мазкур корхонада маҳсулот тури кўпайди, ишлаб чиқариш ҳажми кенгайиб, иш ўринлари сони ортиб бормоқда. Бизга берилган маълумотга кўра, бугунги кунда корхонада доимий ишловчилар қарийб 90 нафарга етган. Шуни алоҳида таъкидлаш керакки, уларнинг асосий қисми касб-ҳунар коллежларини тамомлаган ёшлардир.

3-Найман сайлов округидан халқ депутатлари Наманган вилоят Кенгаши депутати Исоқжон Мадраҳимов ташаббуси билан яқинда фойдаланилмай ётган эски бино таъмирдан чиқарилди. Натижада «Поп-нон савдо» корхонасига қарашли яна бир савдо маркази фаолият бошлади. Туну-кун хизмат кўрсатадиган мазкур савдо марказига касб-ҳунар коллежларини тамомлаган 12 нафар йигит-қиз ишга қабул қилинди.

Ҳалол меҳнат орқасидан обрў-эътибор қозонаётган, партия ғояларини ҳаётга татбиқ этишда фаол қатнашаётган депутат билан учрашиш учун Поп туманига йўл олдик.

Ўзбекистон Халқ демократик партияси Поп туман кенгаши раиси Зулфия Аширова билан партия ташкилотлари томонидан амалга оширилаётган ишлар хусусида суҳбатлашдик.

— Бугунги кунда партия ғояларини аҳоли ўртасида кенг тарғиб қилиш, электорат вакилларини ўйлантираётган масалаларни ҳал этиш, ҳудудларни ижтимоий-иқтисодий ривожлантириш дастурларига таклифлар бериш борасида маҳаллий Кенгашлардаги партия гуруҳи аъзолари муносиб ўрин тутмоқда, — дейди у. — Айниқса, давра суҳбатлари, учрашувлар, мулоқотларда депутатимиз Исоқжон Мадраҳимов фаол қатнашмоқда.

Шундан сўнг у бизни Санг маиший хизмат кўрсатиш касб-ҳунар коллежига таклиф қилди. Коллежда Исоқжон Мадраҳимовнинг ёшлар билан мулоқоти устидан чиқдик.

Учрашув давомида иқтидорли ўқувчилар депутатга мамлакатимизда амалга оширилаётган ижтимоий-иқтисодий ўзгаришлар, янгиланишлар, сиёсий партиялар фаолияти ҳақида ўзларини қизиқтирган саволлар билан мурожаат қилишди. 

— Бу каби тадбирлар ўқувчиларимизнинг сиёсий-ҳуқуқий билимини оширишга хизмат қилади, — дейди коллеж директори, ЎзХДП фаоли Шоира Абророва. — Айниқса, депутатлар ташрифи ёшларни сиёсий жараёнларга, хусусан, сиёсий партиялар фаолиятига бўлган қизиқишини янада оширади. Бугун нафақат ўқувчилар, балки устоз-мураббийлар ҳам бир қатор керакли маълумотларга эга бўлишди. 

Депутат мулоқот якунида коллеж кутубхонасига қатор сиёсий ­нашрлар, «Темур тузуклари», ­«Бобурнома» ҳамда жаҳон адабиётининг сара намуналаридан иборат китоб­лар тўпламини тақдим этди.

— Президентимиз Олий Мажлис Қонунчилик палатаси ва Сенатининг қўшма мажлисида ... фракция ва депутатлар фаолияти янада фаол ва мазмунли бўлиши, ўз сиёсий партиялари ва уларнинг электорати манфаатлари ҳамда кўрсатмаларини ҳисобга олган ҳолда йўлга қўйилиши лозим, деган фикрни алоҳида таъкидлаган эди, — дейди депутат. — Дарҳақиқат, бу фикр ҳар бир депутат учун дастурул­амал бўлиши зарур. Ҳар сафар сайловчилар, ёшлар билан учрашганимда ана шу сўзлар хаёлимдан ўтади. Бугунги кунда маҳаллий Кенгаш депутати ваколатлари кенгайиб, зиммасидаги масъулият янада ортди. Эндиликда ҳудудларни ижтимоий-иқтисодий ривожлантириш, аҳоли бандлигини таъминлаш, турмуш фаровонлигига эришишда депутатлар муҳим ўрин тутади. Шу боис фаолия­тимизни ана шу мезонлардан келиб чиққан ҳолда ташкил этишга ҳаракат қилаяпмиз.

Депутат билан суҳбат давомида кўнглимдан шундай гаплар ўтди. Қани энди ҳамма депутатлар ҳам Исоқжон Мадраҳимовдай бўлса, унга ўхшаб ёниб яшаса.

 

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.