Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
03.09.2015

ДОИМИЙ КОМИССИЯ ЙИҒИЛИШИДА

аҳолига тиббий хизмат кўрсатиш сифатини яхшилаш бўйича олиб борилаётган ишлар кўриб чиқилди

Фарғона вилояти Соғлиқни сақлаш бошқармаси мажлислар залида халқ депутатлари Фарғона вилоят Кенгашидаги ЎзХДП гуруҳи ташаббуси билан аҳолига тиббий ва биринчи тиббий ёрдам хизмати кўрсатиш сифатини яхшилаш борасида олиб борилаётган ишлар тўғрисидаги масала Ижтимоий-маданий ривожланиш масалалари доимий комиссия йиғилишида атрофлича муҳокама этилди.

Фарғона вилоятида 2015 йил биринчи январь ҳолатига кўра, 3 млн. 445 минг 319 нафар аҳоли истиқомат қилади. 14 ёшгача болалар 912352 нафар, ўсмирлар 206599 нафарни ташкил этади.

Йиғилишда келтирилишича, бугунги кунда вилоят аҳолисига 70 шифохона, 376 амбулатория-поликлиника муассасаси, 20 ДСНЭМ, 19 тез тиббий ёрдам бўлими, 51 қишлоқ врачлик пункти ҳамда бошқа турдаги 26 муассасада тиббий профилактик ёрдам кўрсатиб келинмоқда. 6286 врач, 41066 ўрта тиббиёт ходимлари ва бошқа ходимлар хизмат қилмоқда. ­Амбулатория-поликлиника тизимида 4785,25 врачлик лавозими мавжуд. Амбулатория-поликлиника тизимида врачлик лавозимларининг мутахассислар билан таъминланиши 84,7 фоизни ташкил этяпти. Жорий йилнинг 6 ойи мобайнида вилоят аҳолисининг 92,4 фоизи тиббий кўрикдан ўтказилган.

Кексаларни эъзозлаш йили муносабати билан ёши улуғ кишиларни ижтимоий ҳимоялаш, уларнинг соғлиғини сақлаш юзасидан  «Ҳеч ким меҳр ва эътибордан четда қолмасин» шиори остида Республика ва вилоят мутахассислари томонидан 275 нафар  уруш қатнашчиси ва ногиронлар тиббий кўрикдан ўтказилган.

Вилоятдаги туғиш ёшидаги 6618 нафар аёл чуқурлаштирилган тиббий кўрикдан ўтказилиб, экстрогенитал касалликлар аниқланганлари ҳозирда соғломлаштириш курсини ўтамоқда.

Қайд этилдики, вилоят бўйича тез тиббий ёрдам хизматига  ҳафтасига  ўртача  18705 чақирув амалга оширилади. Тез тиббий ёрдам бригадалари 37 хил дори-дармон ва бошқа керакли тиббиёт воситалари билан таъминланган. Вилоят бўйича тез тиббий ёрдам бўлимларини реконструкция қилиш, капитал ва жорий таъмирлаш ишлари амалга оширилган.

Доимий комиссия йиғилишида депутатлар томонидан олиб борилган ўрганишлар жараёнида аниқланган камчиликлар ва уларнинг келиб чиқиш сабаблари ҳам атрофлича кўриб чиқилди. ЎзХДП гуруҳи аъзолари электорат манфаатларидан келиб чиқиб, ўз таклиф, тавсияларини билдиришди. Кун тартибидаги масала юзасидан вилоят Кенгашининг доимий комиссияси тегишли қарор қабул қилди.

 

Шоҳрух ЎКТАМОВ


Фикр ва мулохазалар

Защита от автоматических сообщений

Сўнгги янгиликлар: