Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
06.08.2015

XIV МАХСУС ОЛИМПИЯ ЎЙИНЛАРИДАН

ҳамюртларимиз 37 медаль билан қайтишди

Америка Қўшма Штатларининг Лос-Анжелес шаҳрида интеллектуал имкониятлари чекланган спортчилар ўртасида ўтказилган XIV Махсус Олимпия ўйинлари ниҳоясига етди. Унда дунёнинг 170 давлатидан қатнашган спортчилар ғолиблик учун баҳс олиб борди.

Ушбу нуфузли мусобақада Ватанимиз шарафини ҳимоя қилган 20 нафар спортчимиз жами 37 медални қўлга киритди. 10 олтин, 14 кумуш ва 13  бронза медалга эга бўлган спортчиларимиз энг муваффақиятли иштирок этган жамоалардан бири сифатида эътироф этилди.

Алина Нуштаева — 100 метр масофага сузиш бўйича олтин, 4х25 метр масофага ўтказилган эстафетада эса кумуш медалга сазовор бўлди.

Николай Каримов — 50 метр­га эркин усулда сузишда олтин, 4х25 метр масофага бўлган эстафетада эса кумуш медални қўлга киритди.

Дониёр Тожиметов — 50 метр масофага брасс усулида, Ангелина Гаврина — 25 метрга чал­қанча сузишда бронза медали билан тақдирланди.

Бадминтон бўйича Насиба Минозарова — шахсий мусобақаларда олтин, Абдуазиз Абдусаломов эса кумуш медални қўлга киритди.

Спорт гимнастикаси баҳсида Азиз Собиров — 3 олтин ва 1 кумуш медаль, Жасур Очилов — 2 кумуш ва 3  бронза медаль соҳиби бўлди. Спорт гимнастикасининг қиз болалар баҳсида эса Маша Логинова — 2 кумуш ва 2 бронза медаль соҳибаси, Дилноза Йўлдошева — 1 кумуш медаль совриндори бўлди.

Гимнастика йўналишининг 1-даражасида Моҳинабону Тўлаганова гимнастика предметлари ёрдамида машқ бажариш бўйича — 2 кумуш ва 1 бронза медаль, 4-даражада Альбина Хабибулина эса 1 олтин, 2 кумуш ва 1 бронза медални, шунингдек, Кристина Расшупкина ҳам учинчи натижани кўрсатди.

Енгил атлетика турнирида Александр Обидов — 100 метр масофага югуришда олтин, 200 метрга югуриш, 4х100 метрга эстафета мусобақаларида бронза медалларига эга бўлди. Дарья Жукова — 100 метр масофага югуриш бўйича олтин, 200 метрга югуришда эса кумуш медалга сазовор бўлди. Руфина Шагарданова — узунликка сакраш мусобақасида олтин медални қўлга киритди.

Стол тенниси бўйича шахсий мусобақаларда Равшан Якубов, Юлдуз Абдусодиқова бронза медали билан мукофотланди.

 

Шоҳбоз САИДОВ

тайёрлади.



DB query error.
Please try later.