Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.07.2015

СОҒЛОМ ҲАЁТ МАРАФОНИ

Пойтахтимизнинг Бобур номидаги маданият ва истироҳат боғида Халқаро аҳолишунослик кунига бағишланган спорт марафони ўтказилди.

Ўзбекистон Хотин-қизлар қўмитаси, Маданият ва спорт ишлари вазирлиги, Республика Болалар спортини ривожлантириш жам­ғармаси, Тошкент шаҳар ҳокимлиги, БМТнинг Аҳолишунослик бўйича жамғармаси ҳамкорлигида ташкил этилган мазкур тадбир ўзига хос спорт байрамига айланди.

Мамлакатимизда хотин-қизларни спортга кенг жалб этиш орқали уларнинг саломатлигини мустаҳкамлаш, айниқса, ўсмир-қизларнинг ўз соғлиғи учун масъулиятини ошириш масаласига доимий эътибор қаратиб келинмоқда.

— Маҳалламизда етти ярим минг нафарга яқин аҳоли истиқомат қилади, — дейди Юнус­обод туманидаги «Тинчлик» маҳалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси Замира Ҳамидова. — Аёллар ва қизларни спорт машғулотларига кенг жалб этиш орқали улар ўртасида соғлом турмуш тарзини шакллантиряпмиз. Масалан, маҳалламиз ҳудудида жойлашган 250-умумтаълим мактаби спорт залида аёлларимиз учун махсус волейбол тўгараги ташкил этганмиз. Эллик нафардан зиёд хотин-қиз бу ерда шуғулланмоқда. Маҳалламиз волейбол жамоаси эса республика миқёсида ўтказиб келинаётган «Аёллар спорт фестивали»нинг кўп карра ғолиби бўлган.

Спорт байрами иштирокчилари бир ярим километр масофага югуриш бўйича ўзаро баҳслашдилар. Унда 110 нафар хотин-қиз, шу жумладан, Тошкент шаҳридаги маҳаллалар фуқаролар йиғинлари маслаҳатчилари иштирок этди.

Шунингдек, тадбир доирасида пойтахтимиздаги Меҳрибонлик ва Мурувват уйлари тарбияланувчилари ўртасида шашка мусобақаси, «Ёз — ўтади соз» мавзусида расмлар танлови ташкил этилди.

Марафон, расмлар танлови ва шашка мусобақасининг барча иштирокчиларига совғалар топширилди. Концерт дастури эса тадбир иштирокчиларига олам-олам қувонч бағишлади. 

Тадбирда Ўзбекистон Республикаси Бош вазири ўринбосари, Хотин-қизлар қўмитаси раиси Э.Боситхонова иштирок этди ва сўзга чиқди.

 

Самандар БОБОРАЖАБОВ,

ЎзДЖТУ талабаси.




DB query error.
Please try later.