Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
09.06.2015

АҚСУНГУЛ – «ЁШ СИЁСАТЧИ» ТАНЛОВИ ҒОЛИБИ

Нукусда Ўзбекистон Халқ демократик партияси «Истиқбол» ёшлар қаноти ташаббуси билан ўтказилаётган «Ёш сиёсатчи» кўрик-танловининг Қорақалпоғистон Республикаси босқичи бўлиб ўтди.

Тадбирда ёшларнинг замонавий билим ва касб-ҳунарларни пухта эгаллаши, истеъдод ва салоҳиятини кенг намойиш этиши учун зарур шароит яратиш, уларнинг интилиш ва ташаббусларини қўллаб-қувватлаш Президентимиз раҳнамолигида амалга оширилаётган давлат сиёсатининг устувор йўналишларидан экани алоҳида таъкидланди. Президентимизнинг 2014 йил 6 февралдаги «Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида»ги қарори навқирон авлодни жамиятимизнинг ҳал қилувчи кучи сифатида қўллаб-қувватлаш, уларнинг орзу-умидлари, интилишларини рўёбга чиқариш учун кенг имкониятлар яратишга хизмат қилмоқда.

Жамиятнинг тўлақонли аъзолари бўлган ёшларнинг юртимиздаги ижтимоий-иқтисодий, сиёсий жараёнларда фаоллигини ошириш мақсадида «Мен Ватаним равнақига ҳисса қўшишни хоҳлайман» шиори остида ўтказилаётган «Ёш сиёсатчи» кўрик-танловининг шаҳар ва туман босқичларида ғолибликни қўлга киритган 15 нафар йигит-қиз Қорақалпоғистон Республикаси босқичида ўз интеллектуал салоҳиятини намоён этди.

— Танловда қорақалпоғистонлик ёшлар ўзларининг сиёсий фаоллигини намоён қилди, — дейди Ўзбекис­тон Халқ демократик пар­тияси «Истиқбол» ёшлар қаноти марказий бош­қаруви раҳбари ёрдамчиси Умрбек Бектемиров. — 18 ёшдан 30 ёшгача бўлган бу йигит-қизлар мамлакатимизда рўй бераётган ижтимоий-сиёсий жараёнларга бефарқ эмаслигини кўрсатди. Аксинча, ўзлари яшаётган ҳудудни ижтимоий-иқтисодий ривожлантириш, ёшларнинг бандлигини таъминлаш, шунингдек, партиямиз дас­турий мақсадларига мос йўналишлардаги лойиҳаларини тақдим этди.

Қораўзак иқтисодиёт касб-ҳунар коллежининг 2-курс ўқувчиси Ақсунгул Болтабоева биринчи ўринни эгаллади ва танловнинг мамлакат босқичига йўлланмани қўлга киритди.

Ақсунгулнинг орзулари улкан. У ёш бўлишига қарамай, тикувчилик цехи очиб, қорақалпоқ миллий либослари, замонавий пардалар, кўрпа-ёстиқ тикиб, ўзи каби 12 нафар тенг­дошининг бандлигини таъминлаш ниятида. Бу ишларни тижорат банки­дан олинган кредит маблағи эвазига амалга оширишни режалаштирган. Тиришқоқ, ташкилотчи ва ташаббускор қиз Ақсунгул коллежда ташкил этилган инглиз тили, тарих ва ҳуқуқ тўгаракларининг фаол аъзоси.

— Мен келажакда юқори малакали ҳуқуқшунос бўлишни орзу қиламан, —дейди у. — Устозим Равшан Абдиевадан жуда кўп нарса ўрганмоқдаман. Юртимизда биз, ёшларга яратилаётган кенг имкониятлар учун давлатимиз раҳбаридан беҳад миннатдорман.

Иккинчи ўрин Хўжайли туманидан Иномжон Болтабоевга насиб этган бўлса, учинчи ўринни чимбойлик ­Сарвиноз Жўлимбетова эгаллади.

Ғолибларга диплом ва совғалар топширилди.

 

А.ОРТИҚБОЕВ,

ЎзА мухбири.



DB query error.
Please try later.