Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
04.06.2015

ХОТИН-ҚИЗЛАРНИ ИЖТИМОИЙ ҲИМОЯ ҚИЛИШ МАСАЛАЛАРИ МУҲОКАМА ЭТИЛДИ

ЎзХДП Марказий Кенгаши ҳамда Қорақалпоғистон Республика кенгаши ҳамкорлигида Нукус шаҳрида семинар ўтказилди.

— Давлат ва жамият бошқарувини демократлаштиришда хотин-қизлар иштирокини кучайтириш муҳим аҳамиятга эга, — деди семинар аввалида Ўзбекистон ХДП Марказий Кенгаш бўлим мудири Алишер Равшанов. — Партиямиз Сайловолди дастурида ҳам хотин-қизларнинг ижтимоий-сиёсий фаоллигини ошириш, улар бандлигини таъминлаш, касаначилик асосида меҳнат қилувчи аёлларнинг ҳуқуқларини ҳимоя қилиш каби муҳим вазифалар белгиланган. Жойларда ўтказилаётган бугунгидек амалий тадбирлар, учрашувларда улар ижросини таъминлашга алоҳида эътибор қаратилмоқда.

— Жойларда қанотимиз ташаббуси билан хотин-қизларнинг ижтимоий-сиёсий фаоллигини ошириш, иқтисодий-ҳуқуқий билимларини мустаҳкамлаш, уларни оилавий тадбиркорлик ва касаначиликка жалб этиш мақсадида қатор тадбирлар ташкил этилмоқда, — дейди ЎзХДП Қорақалпоғистон Республика кенгаши сектор мудири Санемхан ­Жумамуратова. Уларда хотин-қизларни ўйлантираётган масалалар чуқур ўрганилиб, депутатлар, қанот етакчилари ва ҳамкор ташкилотлар ёрдамида ижобий ечим топилмоқда. Натижада кўплаб хотин-қизлар ишга жойлаштирилди, ижтимоий нафақалар ўз вақтида олинишида амалий кўмак берилди ва кам даромадли оилаларга моддий ёрдам кўрсатилди. Битирувчи қизларга имтиёзли кредит олиш бўйича ҳам ёрдамлашилди. Бу йўналишдаги ишларимизни янада кучайтириш зарур, албатта.

— Маълумки, давлат ва жамият бошқарувида хотин-қизларнинг ўрни ва ролини ошириш, оилаларни мустаҳкамлаш, оналик ва болаликни муҳофаза қилиш борасида кенг кўламли ишлар амалга оширилмоқда, — дейди Олий Мажлис Қонунчилик палатаси депутати, ЎзХДП фракцияси аъзоси Салауатдин ­Худайбергенов. Биз депутатлар мана шу ишларни аҳоли орасида кенг тарғиб қилишимиз, аҳоли, айниқса, хотин-қизларни мамлакатимизда амалга оширилаётган ислоҳотлар мазмун-моҳияти билан яқиндан таништириб боришимиз зарур. Шунда аёлларни ўйлантираётган масалалар юзасидан ҳаётий таклифлар олиш имкониятимиз кенгаяди.

Тадбир сўнгида хотин-қизларни ижтимоий муҳофаза қилиш, хусусан, оналик ва болаликни ҳимоя қилиш, аёлларнинг репродуктив саломатлигини яхшилаш борасидаги ишлар таҳлил қилиниб, мавжуд муаммо ва камчиликларни бартараф этиш юзасидан тавсиялар ишлаб чиқилди.

 

Ўз мухбиримиз.



DB query error.
Please try later.