Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
26.05.2015

САЙЛОВЧИ КЎТАРГАН ҲАР БИР МАСАЛА,

албатта, эътиборга олинади

Олий Мажлис Қонунчилик палатасининг Регламентига мувофиқ депутатлар шу кунларда  ўз сайлов округларида сайловчилар билан учрашувлар ўтказмоқда.

Парламент қуйи палатасидаги ЎзХДП фракцияси аъзолари учрашувларга чиқишдан аввал сайлов округларидаги фаолият бўйича тегишли ҳаракат дастурини белгилаб олди. Дастурга мувофиқ ҳар бир учрашув ва унинг натижалари кейинчалик умумлаштириш учун қайд қилиб борилади. Сайловчилар кўтарган масалалар жиддий эътиборга олинади ҳамда уларни ҳал қилиш чоралари кўрилади.

Сайловчилар билан юзма-юз мулоқотларда янги қонунлар тарғиботи, амалдаги қонунлар ижросини ўрганиш масалаларига эътибор қаратилмоқда.

— Учрашувларда мамлакатимизда амалга оширилаётган ислоҳотлар, қабул қилинган қонунлар, фармон ва қарорларнинг мазмун-моҳияти аҳолига кенг тушунтирилмоқда, — дейди Олий Мажлис Қонунчилик палатаси депутати, ЎзХДП фракцияси аъзоси ­Комила ­Каромова. — Қизғин суҳбатлар давомида аҳолининг ижтимоий муҳофазасини таъминлаш, ёшларни ишга жойлаштиришнинг ҳу­қу­қий асослари ҳақида сайловчилар кўплаб саволлар билан мурожаат этишмоқда. Уларнинг ҳар бирига батафсил жавоб қайтаришга ҳаракат қиляпмиз. Шунингдек, жойларда қо­нунлар ижроси билан боғлиқ фикр-мулоҳазаларни ҳам тинг­лаяпмиз.

— Илгари сайловчилар депутатларга аксарият ҳолларда фақат ижтимоий-маиший, баъзан шахсий масалалар юзасидан мурожаат қилиш билан чекланар эди, — деди Олий Мажлис Қонунчилик палатаси депутати, ЎзХДП фракцияси аъзоси Хайрулла Рўзметов. — Аммо ҳозир ундай эмас. Эндиликда сайловчилар депутатларга мамлакатимизда амалга оширилаётган ислоҳотларнинг бориши, парламентнинг қонун ижодкорлиги фаолияти, қабул қилинган қонунларнинг мазмун-моҳияти, муҳокама қилинаётган қонунлар лойиҳалари тўғрисида, депутат аъзо бўлган қўмита ва фракция фаолияти билан қизиқмоқда. Шунинг­дек, таълим, банк-молия, соғлиқни сақлаш, уй-жой-коммунал хўжалиги, транспорт, қурилиш, алоқа масалаларида саволлар бериляпти, таклифлар билдириляпти.

ЎзХДП фракцияси аъзолари сайлов округларидаги учрашувларни белгиланган режага асосан ўтказади. Ўзингизни қизиқтирган саволлар билан депутатларга мурожаат қилишингиз ва қонунчиликни такомиллаштириш бўйича таклифларингизни айтишингиз мумкин.

 

Лазиза ШЕРОВА



DB query error.
Please try later.