23.05.2015

ҚОНУНЧИЛИК ПАЛАТАСИ ДАСТУРИ ИЖРОСИ – ДЕПУТАТЛАР ЭЪТИБОРИДА

Маълумки, Олий Мажлис Қонунчилик палатасида давлатимиз раҳбарининг 2015 йил 23 январда Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги, шунингдек, 2015 йил 16 январда Вазирлар Маҳкамасининг 2014 йилда мамлакатни ижтимоий-иқтисодий ривожлантириш якунлари ва 2015 йилга мўлжалланган иқтисодий дастурнинг энг муҳим устуворликларига бағишланган мажлисидаги маърузаларида белгиланган устувор вазифаларни амалга ошириш юзасидан қуйи палатанинг 2015 йилга ва кейинги йилларга мўлжалланган ташкилий-ҳуқуқий тадбирлари, қонун ижодкорлиги ва назорат-таҳлил ишлари Дастури қабул қилинган эди.

Жорий йилнинг 22 май куни мазкур Дастурнинг 5-бандида назарда тутилган вазифалар ижроси таҳлилига қаратилган давра суҳбати ўтказилди. Унда Қонунчилик ва суд-ҳуқуқ масалалари қўмитаси қошида тузилган экспертлар гуруҳи аъзолари ва оммавий ахборот воситалари вакиллари иштирок этди.

Тадбирда Қонунчилик палатаси фаолиятида сиёсий партиялар фракцияларининг роли ва аҳамиятини ошириш, кўппартиявийлик тизимини янада ривожлантириш бўйича фракциялар муносабати билдирилди. Қонунчилик палатаси ваколатига кирувчи масалалар юзасидан ҳукумат аъзоларининг, давлат ва хўжалик бош­қаруви органлари раҳбарларининг маърузаларини мунтазам, тизимли асосда эшитиш масалаларига доир қарорларни ишлаб чиқиш ҳамда амалга оширишда сиёсий партия­лар фракцияларининг фаол иштирок этиши механизмлари самарадорлигини ошириш бўйича тайёрланган таклифлар муҳокама этилди.

— Йиғилишда фракциялар томонидан қонунчилик палатаси Регламентига палатанинг қонунчилик, назорат-таҳлил ишларида сиёсий партиялар фракцияларининг фаол иштирок этиши механизмлари самарадорлиги оширилишини таъминлайдиган ўзгартиш ва қўшимчалар киритишга доир таклифлар билдирилди, — дейди Қонунчилик ва суд-ҳуқуқ масалалари қўмитаси аъзоси, ЎзХДП фракцияси аъзоси ­Дилмурод Саъдуллаев. — Қўмитамиз томонидан тузилган ишчи гуруҳи сиё­сий партиялар фракциялари билдирган таклифларни умумлаштирган ҳолда палата қарори лойиҳасини тайёрлайди. Бу, албатта, Қонунчилик палатаси фаолиятини янада такомиллаштиришда муҳим аҳамиятга эга.

Давра суҳбати якунида билдирилган барча таклифлар умумлаштирилган ҳолда мазкур масала юзасидан қўмитанинг тегишли тавсиялари ишлаб чиқилди.

 

Олий Мажлис Қонунчилик палатаси

Ахборот хизмати маълумоти асосида тайёрланди.



DB query error.
Please try later.