Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
19.05.2015

ПАРТИЯ ТАШКИЛОТЛАРИ ВА ГУРУҲЛАРИ ҲАМКОРЛИГИНИ КУЧАЙТИРИШ

дастурий мақсадларимизни амалга оширишда муҳим аҳамият касб этади

ЎзХДП Марказий Кенгаши ҳамда Жиззах вилоят кенгаши ҳамкорлигида ўтказилган ўқув-семинарда бу фикр алоҳида таъкидланди. Унда партия фаоллари, депутат­лар ва тарғиботчилар иштирок этди.

Дастлаб ЎзХДП Марказий Кенгаши масъул ходими Алишер Равшанов маҳаллий Кенгашлардаги партиямиз гуруҳлари, маҳаллий партия ташкилотлари олдида турган муҳим вазифалар ва уларни амалга ошириш масалаларида сўз юритди.

Олий Мажлис Қонунчилик палатаси депутати, ЎзХДП фракцияси аъзоси ­Саттор Раҳматов халқ депутатлари маҳаллий Кенгашларидаги партия гуруҳлари ­фаолияти самарадорлигини ошириш ҳамда уларнинг Олий Мажлис Қонунчилик палатасидаги партия фракцияси билан ўзаро ҳамкорлигини янада мустаҳкамлаш ҳақида фикр-мулоҳазаларини билдирди.

— Хабарингиз бор, Олий Мажлис Қонунчилик палатасидаги партиямиз фракцияси парламентдаги кўпчиликни ташкил этувчи демократик кучлар блогига ўзини мухолифат, деб эълон қилди, — деди у. — Бу, ўз навбатида, депутатларимиз, фаолларимиз, партиянинг ҳар бир аъзосидан катта масъулиятни талаб этади. Аҳоли турмуш даражасини ошириш, жамиятда ижтимоий ҳимоя тизимини такомиллаштириш масалаларида партиянинг фаолиятини янада кучайтириш керак.

Одатда, партиямиз электоратини ўйлантираётган масалалар, катта-кичик муаммолар асосан қуйида яққолроқ кўринади. Бу эса партиянинг бошланғич ташкилотлари, халқ депутатлари туман, шаҳар ва вилоят Кенгашларидаги депутатларимиздан ҳар қачонгидан кўра фаолроқ, ташаббускорроқ бўлишни тақозо этади. Жамоатчилик қабулхоналарига бўлаётган мурожаатларни олиб кўрайлик. Уларни таҳлил этиш, ҳал қилиш жараёнида турли даражадаги депутатларимиз ҳамкорлиги қўл келади.

Халқ депутатлари вилоят Кенгаши депутати Хидир Шукуров, ЎзХДП Зафар­обод туман кенгаши раиси Холмурод Ережепов маҳаллий Кенгашлардаги депутатларимиз қандай бўлиши кераклиги, депутат сўрови, депутат назоратидан фойдаланиш ваколатлари ва имкониятлари ҳақида фикр юритишди.

ЎзХДП Зомин туман кенгаши раиси, халқ депутатлари туман Кенгаши депутати Назира Ўрозалиева партия фаолиятини янада такомиллаштиришга доир таклифлар, ташаббуслар кўпроқ қуйидан чиқса, бунда маҳаллий Кенгашлар, бошланғич ташкилотлар, партия аъзолари фаоллик кўрсатса, мақсадга мувофиқ бўлишини таъкидлади.

Тадбир сўнгида ўқув-семинар иштирокчилари гуруҳларга бўлинган ҳолда интерфаол машғулотларда иштирок этишди ва маҳаллий Кенгашлар, партия гуруҳлари ­фаолиятини такомиллаштириш, уларнинг ўзаро ҳамкорлигини кучайтириш юзасидан таклифлар беришди, шу асосда тавсиялар ишлаб чиқилди.

 

Иброҳим ЖОНУЗОҚОВ,

«Ўзбекистон овози» мухбири.



DB query error.
Please try later.