Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
02.05.2015

БОШ ВАЗИФА — ЕТУК КАДРЛАР ТАЙЁРЛАШ

ИИВ Академиясида «Касбий маданияти юксак, юқори малакали ҳуқуқшунос кадрларни тайёрлаш — асосий вазифамиз» мавзуида матбуот анжумани бўлиб ўтди.

Ўзбекистон Республикаси Ички ишлар вазирининг ўринбосари, полковник Алишер Мирзаев тадбирни очар экан, ушбу Академия ички ишлар органлари учун юксак маънавиятли ва қонун устуворлиги асосида яшаб, хизмат қиладиган малакали мутахассислар тайёрловчи етакчи олий таълим масканларидан бири эканлигини таъкидлади. Қайд этилдики, таълим маскани замонавий ўқув ва моддий-техник база ҳамда катта илмий салоҳиятга эга.

Академияда республика ички ишлар органлари учун «Тергов фаолияти», «Тезкор-қидирув фаолияти», «Жиноятларнинг олдини олиш фаолияти» ҳамда «Экс­перт-криминалистик фаолият» мутахассисликлари бўйича олий юридик маълумотли мутахассислар тайёрланади.

Шу билан бирга, Академияда ички ишлар органлари учун раҳбар кадрлар тайёрловчи Олий академик курслар, ички ишлар органлари офицерларининг малакасини ошириш факультети, Сержантлар таркибини тайёрлаш олий курслари фаолият юритиб келмоқда.

Мустақиллик йилларида мазкур таълим муассасасида 10 минг нафардан ортиқ олий юридик маълумотли мутахассис, Олий академик курсларда 560 нафар раҳбар кадр, Сержантлар таркибини тайёрлаш олий курсларида эса 10 мингдан ортиқ сержант кадрлар тайёрланди.

Малака ошириш факультетида ички ишлар органларининг 20 мингдан зиёд ходими қайта тайёрлаш ва малака оширишдан ўтди.

Академия бошлиғи, генерал-майор Шавкат Икромов мазкур олий таълим муассасаси фаолияти ҳақидаги тақдимотда қуйидагиларга тўхталди:

— Ушбу олий таълим масканида Ички ишлар вазирлигининг соҳавий хизматлари билан ҳамкорликда таълим жараёнини жиноятчиликка қарши кураш амалиёти билан уйғунлаштиришга алоҳида эътибор қаратилмоқда. Шу мақсадда тингловчи ва курсантлар республикамиз ички ишлар органларининг турли хизмат ва бўлинмаларида амалиёт ўтамоқдалар, ихтисослашган кафедраларга эса амалиётда ишлаб, бой тажриба орттирган малакали ходимлар жалб этилмоқда. Мутахассислик кафедраларининг Тошкент шаҳар ички ишлар бош­қармалари негизида ташкил этилган филиалларида тингловчи-курсантлар билан амалий ўқув машғулотлари самарали ўтказиб борилмоқда.

Академия ўзининг ҳарбий-ўқув дала полигонига эга. Бу ерда тингловчи ва курсантлар махсус дастурлар асосида дастлабки касбий, жисмоний ва жанговар тайёргарликдан ўтадилар.

Ўқув полигонида ётоқхона, штаб, ахборот-ресурс маркази, ошхона, санитария-гигиена мажмуалари, руҳий тетиклаштириш хонаси, ўқув хоналари, спорт комплекси, махсус тактика машғулотларини бажариш учун майдонча замон талаблари асосида жиҳозланган.

Анжуманда иштирок этган журналистлар ИИВ Академиясида етук малакали мутахассис кадрлар тайёрлаш бўйича кенг кўламли ишлар олиб борилаётганига гувоҳ бўлишди.

 

Равшан ШОДИЕВ,

«Ўзбекистон овози» мухбири.



DB query error.
Please try later.