Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
02.05.2015

ПАРТИЯМИЗНИНГ ҲАР БИР АЪЗОСИДАН ЯНАДА ФАОЛЛИК ТАЛАБ ЭТИЛМОҚДА

ЎзХДП Қорақалпоғистон Республика Кенгашининг навбатдаги пленумида партия ташкилотлари ҳамда гуруҳларининг фаолияти танқидий таҳлил этилди, уларнинг зиммасидаги вазифалар кўриб чиқилди.

Пленумда партия масъуллари, Олий Мажлис қонунчилик палатаси, маҳаллий кенгашлар депутатлари, «Фаол аёллар» ва «Истиқбол» ёшлар қаноти етакчилари иштирок этди.

Пленумда кун тартибидаги масалалар юзасидан бўлган мунозараларда партия ташкилотлари ва гуруҳларининг электорат манфаатларига хизмат қиладиган ташаббусларини кучайтириш, ижтимоий-иқтисодий ривожлантиришга қаратилган ҳудудий дастурлар ижроси устидан депутатлик ҳамда жамоатчилик назоратини изчил йўлга қўйиш масалаларига алоҳида эътибор қаратилди. Хусусан, Олий Мажлис палаталарининг қўшма мажлисида Президентимиз томонидан белгиланган вазифалар партия ташкилотлари ҳамда гуруҳлари зиммасига катта масъулият юклаши таъкидланди.

Қорақалпоғистон республика партия кенгаши ­раиси Қувватбой Қурбанбаев бу борадаги ишлар бугунги кун талаби даражасида эмаслигини таъкидлади.

— Электорат манфаатини самарали ҳимоя қилишда асло хотиржамликка, ўзибўларчилик кайфиятига берилиб бўлмайди, — деди у. — Ўтган даврда маҳаллий Кенгашлардаги партия гуруҳларимиз ташаббуси билан ҳудудларни ижтимоий-иқтисодий ривожлантиришга доир қатор масалалар сессиялар муҳокамасига олиб чиқилди. Аммо буни етарли, деб бўлмайди. Сайловда Жўқорғи Кенгесда 15 та, халқ депутатлари туман ва шаҳар Кенгашларида 131 та депутатлик ўрнини қўл­га киритдик. Демак, дас­турий мақсадларимизни амалга ошириш, электорат манфаатларини ҳи­моя қи­лишда етарли куч ва имкониятга эгамиз. Жорий йилда бор имкониятларимизни ишга солиб, электорат манфаатларини ҳимоя қилиш билан боғлиқ фаолиятимизни янада кучайтириш талаб этилади.

Пленумда, шунингдек, Қорақалпоғистон Республикаси Жўқорғи Кенгесидаги ЎзХДП фракцияси ­раиси ўринбосари Халилла Ешимбетов, Олий Мажлис Қо­нунчилик палатаси депутати Салаўатдин Худайбергенов ва «Истиқбол» ёшлар қаноти фаоли Пердебай Скендеров кун тартибидаги масалалар бўйича ўз фикр-мулоҳазаларини билдирди. Қайд этилдики, партия ташкилотлари ва гуруҳлари жойлардаги ижтимоий масалаларни ҳал этишда ташаббускорлик ҳамда қатъият кўрсатиши талаб этилади.

Пленумда муҳокама қи­линган масалалар юзасидан тегишли қарорлар қабул қилинди.

 

Зулайҳо АРТИКОВА

 

Хоразм вилоят партия кенгашининг IV пленумида Президентимизнинг Олий Мажлис палаталари қўшма мажлисидаги маърузасида илгари сурилган вазифаларни бажаришда партия ташкилотлари ва депутатларнинг ўрни, вилоят партия ташкилотининг сайловлардаги иштироки, демократик ислоҳотларнинг ҳозирги бос­қичида олдинда турган долзарб вазифалар муҳокама қилинди.

Раимберган Сабуров, ЎзХДП вилоят кенгаши раиси, халқ депутатлари вилоят Кенгашидаги партия гуруҳи раҳбари:

— Ўтган сайловлар партиямиз учун катта сиёсий имтиҳон бўлди. Сайлов жараёнларидаги тадбирлар орқали биз нафақат тарғибот-ташвиқот ишларини олиб бордик, шу билан бирга фаолиятимизнинг қайси жиҳатларини кучайтиришимиз кераклиги бўйича ўзимизга хулоса чиқариб олдик. Мен бир фикр­ни алоҳида таъкидлашни истардим. Халқимизнинг депутатлардан умиди катта. Биз бунинг масъулиятини чуқур ҳис этишимиз зарур. Тан олиб айтиш керак, фаолиятимизда камчиликлар учраб турибди. Шаҳар ва туман Кенгашларидаги партия гуруҳларимиз ўз ваколатларидан тўлиқ фойдаланиши лозим. Таҳлилларга кўра, депутатлик сўрови кам, сессия­ларга масала олиб чиқишда ташаббускорлик етишмаяпти. Ҳар бир партия кенгаши, депутатларимиз бу борадаги фаолиятни изчил йўлга қўйиш чораларини кўриши талаб этилади.

Муяссар Раҳимова, «Фаол аёллар» қаноти вилоят бўлими етакчиси:

— Партиямиз аъзолари сафида хотин-қизлар кўпчиликни ташкил этади. Аёлларимизнинг фаоллигини ошириш, уларни ҳар томонлама қўллаб-қувватлаш бизнинг вазифамиз. Бу борада ҳали қиладиган ишларимиз кўп. Аввало, фаолиятимизни танқидий нуқтаи назардан таҳлил қилишимиз зарур. Маҳаллий Кенгашлардаги депутат аёлларимизнинг ташаббускорлигини ошириш, шу орқали хотин-қизларни ўйлантираётган масалаларни доимий комиссиялар, сессиялар муҳокамасига олиб чиқишимиз муҳим аҳамиятга эга.

Боғибек Қосимов, Ҳазорасп туман партия кенгаши ­раиси, халқ депутатлари туман Кенгаши депутати:

— Бўлиб ўтган сайловларда маҳаллий Кенгашларда партиямиз нуфузини сақлаб қолдик. Вилоят бўйича Олий Мажлис Қонунчилик палатасида 1, халқ депутатлари вилоят Кенгашида 15, туман ва шаҳар Кенгашларида 103 нафар партиямиздан сайланган депутат фаолият олиб бормоқда. Бу бизга бўлган ишончнинг барқарорлигидан, айни пайтда елкамиздаги масъулият ҳамдир. Кексаларни эъзозлаш йили муносабати билан фаол фахрийларимиздан етмиш нафарини ҳомийларни жалб этган ҳолда моддий рағбатлантирдик. Бундай хайрли ишларни давом эттириш ниятидамиз.

Пленумда, шунингдек, партия фаоли Ғуломжон Сапаев, Хонқа маиший хизмат ва ахборот технологиялари касб-ҳунар коллежи директори Гулсара ­Аҳмедова, «Истиқбол» ёшлар қаноти ­фаоли Расулбек Ҳожиев сўзга чиқиб, кун тартибидаги масалалар юзасидан фикр-мулоҳазаларини билдирдилар.

Пленумда партия ташкилотлари ва гуруҳлари зиммасидаги вазифалар белгилаб олинди.

 

Рўзимбой ҲАСАН,

«Ўзбекистон овози» мухбири.



DB query error.
Please try later.