Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
21.04.2015

ИҚТИДОРЛИ ЎҚУВЧИЛАРГА ИМКОНИЯТЛАР

Бола қалбини мурғаклигидан мусиқа билан ҳамоҳанг тарзда улғайтириш, унинг яратишга бўлган иштиёқини кучайтириш миллатимиз тарбия мезонининг асоси саналган. Мусиқа бола руҳини юксак маънавий парвозга чоғлайди ва чархлайди, деб ҳисобланган.

Халқ таълими вазирлиги томонидан Чирчиқ шаҳридаги 7-сон болалар мусиқа ва санъат мактабида ташкил этилган медиа-тур ёш авлоднинг санъатга, гўзалликка бўлган қизиқишини янада кучайтириш, озод ва обод Ватанга бўлган муҳаббатини оширишдек эзгу мақсад йўлида ташкил этилди. Республика халқ таълими вазирлигининг мусиқа ва санъат муассасалари бошқармаси бошлиғи Қосимжон Атамирзаев тадбир аввалида шундай деди:

 — Президентимизнинг 2008 йил 8 июлдаги «Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган Давлат дастури тўғрисида»ги қарорида, ўсиб келаётган ёш авлод иқтидори юзага чиқишига ҳар томонлама ёрдам кўрсатиш, ёшларимиз миллий ва жаҳон мусиқалари, тасвирий санъатининг юксак намуналаридан кенг баҳраманд бўлиши учун моддий-техник базани шакллантириш кўзда тутилган. Бу борада амалга оширилаётган ишлар кўлами кенг. Болалар мусиқа ва санъат мактабларида яратилган шарт-шароит­лар натижасида ўқувчилар қамрови 1,5 бараварга ортди. Шунинг­дек, болаларнинг ижрочилик санъа­тини ошириш, ўқувчиларни ҳар томонлама рағбатлантириш ва уларнинг ижодини кенг тарғиб этиш мақсадида қатор фес­тиваллар, конкурслар, танловлар ташкил этилмоқда. Агарда 1991 йилда 3 нафар ўқувчимиз халқаро танловларда иштирок этган бўлса, 2014 йили истеъдодли ёшларимиздан 122 нафари Франция, ­Италия, Германия, Буюк Британия, Руминия, Россия, Озарбайжон ва Латвия каби давлатларда ўтказилган турли нуфузли танловларда ғолиб бўлишди...

 — Мактабимизда 400дан ортиқ ўғил-қиз мусиқа ва санъат сирларини пухта ўрганяпти. Улар эришаётган мувафаққиятлар эса бизга янада катта маънавий куч-қувват бағишлайди — дейди Чирчиқ шаҳридаги 7-сонли болалар мусиқа ва санъат мактаби директори Гулнора Нурматова. — Республика ва халқаро миқёсдаги танловларда шогирдларимиз юқори натижаларни қўлга киритишмоқда. Албатта, буларнинг барчаси аввало яратилган шарт-шароитлар ва ўқитувчиларнинг фидойилиги самарасидир.

— Мен 15 ёшдаман, вокал йўналиши бўйича таҳсил оламан, — дейди ушбу мактаб ўқувчиси Берик Аширматов. — 2014 йил Прагада ўтаказилган халқ­аро танловда 2-ўринга сазовор бўлдим.

Югай Анастасия 14 ёшда. У ҳам шу мактаб ўқувчиси. Бир қанча халқ­аро танловларда қатнашган. Яқинда Россияда ўтказилган танловда 1-ўринга муносиб топилди.

Дарҳақиқат, бу мактабда яратилган шароитлар иқтидорли ўқувчилар имкониятларини рўёбга чиқаришга хизмат қилмоқда.

 

Озода БЕКМУРОДОВА,

«Ўзбекистон овози» мухбири.



DB query error.
Please try later.