Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
21.04.2015

ҲИМОЯ ИНСТИТУТИ

Адлия вазирлиги томонидан Адвокатлар палатаси билан ҳамкорликда «Адвокатура институти — инсон ҳуқуқ ва эркинликлари ҳимояси йўлида» мавзусида матбуот анжумани ўтказилди.

Унда таъкидланганидек, Давлатимиз раҳбарининг «Ўзбекистон Республикасида адвокатура институтини янада ислоҳ қилиш чора-тадбирлари тўғрисида»ги Фармони фуқароларнинг тергов ва суд ишини юритишнинг ҳар қандай босқичида малакали юридик ёрдам олиш ҳуқуқини мустаҳкамлайдиган конституциявий нормани амалга ошириш, адвокатурани юқори малакали кадрлар билан тўлдириш, соҳа мутахассисларининг мустақиллиги кафолатларини кучайтириш, ушбу касбнинг обрўси ва нуфузини янада оширишнинг янги босқичини бошлаб берди.

Фармонда қайд этилган вазифалардан келиб чиқиб, қонун ва қарорлар қабул қилинди. Улар асосида мамлакатимизда прокурор ва адвокатнинг тенглигини, жиноят ва фуқаролик ишлари бўйича суд фаолиятининг барча бос­қичларида ўзаро тортишув бўлишини таъминлашга, одил судловнинг сифати ва тезкорлигини оширишга қаратилган кенг кўламли чора-тадбирлар кўриляпти.

Жумладан, қонунчилигимизда нафақат жиноий жавобгарликка тортилаётган ёки жабрланган шахснинг, балки гувоҳнинг ҳам ўз ҳуқуқлари ва қонуний манфаатларини адвокат орқали ҳимоя қилиниши мус­таҳкамлаб қўйилди. Бу эса инсон ҳуқуқ ва эркинликлари кафолатларини янада кучайтиришга хизмат қилади.

Ушбу институтнинг ташкилий асосини такомиллаштиришга ҳам эътибор қаратилиб, Адвокатлар палатаси тузилди. Палата адвокатуранинг инсон ҳуқуқлари ва эркинликларини ҳимоя қилишдаги ролини кучайтириш, аҳолининг ҳуқуқий билими ва маданиятини оширишга қаратилган маърифий тарғибот тадбирларини ўтказади.

Матбуот анжуманида бир қатор далил ва рақамлар келтирилди. Ҳозирда мамлакатимизда 1300 дан зиёд адвокатлик тузилмалари, шундан қарийб 900 та адвокатлик бюроси, 400дан ортиқ адвокатлик фирмаси, 65 та адвокатлик ҳайъати ва 1 та юридик маслаҳатхона фаолият кўрсатаётганлиги, ушбу тузилмаларда жами 3774 нафар соҳа мутахассислари фуқароларга юридик ёрдам кўрсатаётганлиги маълумот ўрнида айтиб ўтилди.

 

Равшан ШОДИЕВ,

«Ўзбекистон овози» мухбири.  



DB query error.
Please try later.