07.04.2015

КЕКСАЛАР ҲАЁТИ — ЁШЛАРГА ИБРАТ

Пойтахтимиздаги Ўзбекистон тарихи давлат музейида ЎзХДП Тошкент шаҳар кенгаши ва Юнусобод туман кенгаши ҳамкорлигида «Кексаларни эъзозлаш йили» Давлат дастурида белгиланган устувор вазифаларни амалга ошириш масалаларига бағишланган тадбир ўтказилди.

Унда Халқ депутатлари Тошкент шаҳар Кенгашидаги ЎзХДП гуруҳи аъзолари, партия фаоллари, «Фаол аёллар» ва «Истиқбол» ёшлар қаноти аъзолари, шунингдек, ижтимоий ҳамкор ташкилотлар вакиллари иштирок этди.

Анжуманда Юнусобод туман кенгаши раиси ­Нигора Эшметова сўзга чиқиб, Давлат дастурида белгиланган чора-тадбирларни амалга оширишда ЎзХДП ролини кучайтириш, ёлғиз кексалар ҳолидан хабар олиш, уларни ижтимоий муҳофаза қилиш масалаларига алоҳида   тўхталиб ўтди.

Қайд этилдики, Дастурда белгиланган вазифалар ёлғиз кексалар, пенсионер ва ногиронларнинг  турмуш даражасини оширишга хизмат қилади.

Шундан келиб чиқиб, партия ташкилотлари ва депутатлар ҳар бир маҳалла, кўча ва ҳудудда кексаларни эъзозлаш, уларга яқиндан ёрдам кўрсатиш ишларида фаол қатнашишлари керак. 

Нуронийларимизни қадрлаш, уларга меҳр-мурувват, иззат-ҳурмат кўрсатиш халқимизга хос азалий қадриятлардан биридир, — дейди «Нуроний» жамғармаси Юнусобод тумани бўлими раиси Анвархўжа Ғуломов. – Шу боис ҳаётимизнинг, ҳар бир хонадоннинг файзи бўлган кексаларимизни ардоқлаш, уларга юксак ҳурмат кўрсатиш асосий вазифамиздир. Туманимизда истиқомат қилаётган 600 нафардан ортиқ уруш қатнашчиси ва меҳнат фахрийси даволаниш масканларига бепул юборилади. Шунингдек, кексалар тиббий-кўрикдан ўтказилиб, уларга турли хил артапед, қўлтиқтаёқ ва протез асбоблари тарқатилади.

Биз тинч-тотув ҳаётга осонликча эришмадик. Бу ҳақда ёшларга гапириб бериш, шундай фаровон ҳаётга эришиш йўлидаги интилишларимиз ва мақсадларимизни ёшлар онгига чуқур сингдириш, уларнинг Ватанга  муҳаббат туйғусини уйғотиш муҳим аҳамиятга эга.

Йиғилиш давомида ЎзХДП Тошкент шаҳар, туманлар ва «Ёшлик» талабалар шаҳарчаси кенгашлари томонидан Дастурда белгиланган чора-тадбирлар режаси кенг муҳокама қилиниб, уларни амалга оширишда фаол иштирок этиш юзасидан тегишли вазифалар белгилаб олинди.

 

Феруза НАБИЕВА



DB query error.
Please try later.