Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
26.03.2015

ЎЗБЕКИСТОН ХАЛҚИ САЙЛОВ РУҲИ БИЛАН ЯШАМОҚДА

ЎзА мухбирлари Ўзбекистон Республикаси Президенти сайловида халқаро кузатувчи сифатида иштирок этадиган хорижий давлатлар ва халқаро ташкилотлар вакиллари билан суҳбатда бўлди.

Вернер ФУРМАН, «Европа-Берлин» дўстлик жамияти раиси (Германия):

– Ўзбекистоннинг иқтисодий ривожланишини кузатиб бораман. Жаҳонда 2008 йилда бошланган ва ҳамон давом этаётган глобал молиявий-иқтисодий инқирозга қарамай, мамлакатингиз ялпи ички маҳсулоти муттасил ўсиб бораётгани диққатга сазовор. Бу кўрсаткич ҳар йили 8 фоиздан зиёдни ташкил этаётгани юртингиз иқтисодий қудрати тобора мустаҳкамланиб бораётганидан далолат беради. Ислоҳотлар босқичма-босқич амалга оширилаётгани, бизнес юритиш ва инвестиция киритиш учун қулай муҳит яратилгани бунда муҳим омил бўлмоқда.

Ўзбекистонга келиб, халқингиз сайлов руҳи билан яшаётганига гувоҳ бўлдим. Марказий сайлов комиссияси кенг ва режали фаолият юритмоқда. Бу сайловнинг демократик талаблар даражасида ўтишига хизмат қилади. Биз, халқаро кузатувчилар учун барча имконият яратилган. Сайлов куни ўзимиз истаган участкага бориб, сайлов жараёнини кузатамиз.

Роберт БЛУМ, Женева дипломатик доираси президенти (Швейцария):

– Ўзбекистоннинг ёшларга оид давлат сиёсатини ҳурмат қиламан. Мамлакатингизда уларни соғлом ва билимли этиб тарбиялаш, ҳаётий муҳим масалаларини ҳал этиш доимий эътиборда. Мактабгача таълимдан олий таълим тизимигача бўлган механизм мукаммал йўлга қўйилган. Бугун Ўзбекистон ёшлари ҳар жабҳада фаол, ўзининг юксак интеллектуал салоҳияти, иқтидори, хорижий тилларни пухта ўзлаштирганлиги билан мамлакат ҳаётида муҳим ўрин тутмоқда.

Алишер Навоий номидаги Ўзбекистон Миллий кутубхонасида бўлиб, ёш авлод камолотига эътиборнинг яна бир намунасини кўрдим. Кутубхонанинг бой фонди, энг замонавий техник воситалар билан жиҳозлангани менда катта таассурот қолдирди.

Виллем ХААГСМА, Дренте экспорт клуби президенти (Нидерландия):

– Ўзбекистонда илк бор бундан йигирма йил аввал бўлгандим. Мамлакатингиз йил сайин ривожланиб, чирой очиб бормоқда.

Қишлоқ хўжалигида амалга оширилган ислоҳотлар самарасида мамлакатингиз дунё­даги кам сонли давлатлар қатори озиқ-овқат мустақиллигига эришган. Бугунги кунда ушбу соҳа замонавий асосда модернизация қилинмоқда. Қишлоқ хўжалиги маҳсулотларини қайта ишлаш кўпаяётгани, фермер хўжаликлари кўптармоқли хўжаликларга айлантирилаётгани эътиборга сазовор. Бу иқтисодиётни изчил ривожлантириш, озиқ-овқат хавфсизлигини мустаҳкамлашда муҳим аҳамиятга эга.

 

ЎзА мухбирлари

Ирода УМАРОВА,

Нодира МАНЗУРОВА

ёзиб олди.



DB query error.
Please try later.