Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
24.03.2015

САЙЛОВ КАМПАНИЯСИ ТЕНГЛИК ВА СОҒЛОМ РАҚОБАТ МУҲИТИДА ЎТМОҚДА

Ўзбекистон Республикаси Президенти сайловида иштирок этиш учун халқаро кузатувчилар, етакчи экспертлар мамлакатимизга келмоқда. ЎзА мухбирлари улардан айримларининг мазкур сайлов кампаниясига оид кузатувлари, юртимиз ҳақидаги фикрлари билан қизиқди.

Ли ИХАЙ, Шанхай Ижтимоий фанлар академиясининг Халқаро департамент директори (Хитой):

– Ўзбекистон ҳар томонлама ривожланиб бормоқда. Мамлакатингизнинг ижтимоий-иқтисодий ҳаётидаги юксалишлар, шаҳар ва қишлоқлардаги улкан ўзгаришлар  эътиборга молик.

Ўзбекистон ғоят муҳим сиёсий воқеа арафасида турибди. Мамлакат Президентлигига номзодларнинг сайловолди дастурлари, тар­ғибот-ташвиқот ишлари билан яқиндан танишиб чиқдим. Барча номзодларнинг  дастурлари ўзига хос ва долзарб аҳамиятга эга. Телерадиоканалларда сайловолди ташвиқотлари учун номзодларнинг ҳаммасига тенг эфир вақти, матбуот саҳифаларида бир хил жой ажратилган. Бу омил барча номзодлар учун тенг ҳуқуқ ва имкониятлар яратилганидан далолат беради. Ўзбекистонда сайловолди ташвиқотлари тенглик, соғлом рақобат муҳитида юксак демократик стандартлар асосида ўтмоқда.

Парвиз МОРВИЖ, Нью-Йорк давлат университети профессори, «Глобал илмий нашрлар» маркази директори (АҚШ):

— Ўзбекистон дунё ҳамжамиятида ўзининг муносиб ўрнини эгаллади. Бугун унинг жаҳондаги обрў-эътибори тобора юксалмоқда. Бу мамлакатингизда демократия ва бозор иқтисодиётига оид ислоҳотларни амалга ошириш натижасида қўлга киритилаётган улкан ютуқларнинг халқаро ҳамжамият томонидан эътироф этилишида, давлатингизнинг минтақада барқарорлик ва хавф­сизликни мустаҳкамлашга қаратилган ташаббуслари бераётган самараларда ўз ифодасини топмоқда.

Ўзбекистон Республикаси Президентлигига бўлиб ўтаётган сайлов жараёнини бевосита кузатиб, бу сиёсий тадбирга мамлакатда жуда катта тайёргарлик кўрилганига ишонч ҳосил қилдим. Сиё­сий партиялар томонидан кўрсатилган номзодларнинг мамлакатингизнинг барча ҳудудларида сайловчилар билан учрашувларини, сайловолди ташвиқотларини катта қизиқиш билан кузатиб келяпман. Сайловчиларнинг номзодлар ва уларнинг дастурлари ҳақида тўлиқ маълумотга эга экани, аҳоли ва сайлов органлари ўртасидаги алоқа фаоллиги диққатга сазовор. Буларнинг барчаси мамлакатингизда Президент сайловининг очиқлик, ошкоралик, адолатлилик тамойилларига тўла мувофиқ, халқаро стандартларга мос ҳолда ўтишини таъминлайди.

Ўзбекистонда изчиллик билан амалга оширилаётган ислоҳотларни мунтазам кузатиб бораман. Мамлакатингизда узоқни кўзлаб юритилаётган оқилона сиёсат туфайли ҳар соҳа, жумладан, сиёсат, иқтисодиёт, таълим, соғлиқни сақлаш каби соҳалар йил сайин тараққий этмоқда. Ўзбекистон сайлов тизими ҳам дунё ҳамжамияти томонидан юксак эътироф этилишига ишончим комил.

 

ЎзА



DB query error.
Please try later.