Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
21.03.2015

МАРКАЗИЙ САЙЛОВ КОМИССИЯСИДА УЧРАШУВ

Ўзбекистон Республикаси Марказий сайлов комиссиясида Президент сайловига тайёргарлик кўриш ва уни ўтказиш жараёнини кузатиш мақсадида мамлакатимизга келган халқаро кузатув­чилар билан учрашувлар бўлиб ўтди.

Ўзбекистон Республикаси Марказий сайлов комиссияси раиси М.Абдусаломов Латвия Марказий сайлов комиссияси раиси Арнис Цимдарс билан учрашувда мамлакатимизда сайловларни очиқ-ошкора, эркин ва адолатли ўтказиш, фуқароларнинг сайлов жараёнларида фаол иштирок этиши учун барча ҳуқуқий асослар яратилганини таъкидлади. Бу фуқароларнинг сайлов ҳуқуқ­лари тўлиқ амалга оширилишига, Ўзбекистоннинг демократия йўлидан изчил бориб, юксак марраларни эгаллашига замин яратмоқда.

2014 йил 16 апрелда қабул қилинган «Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида (32, 78, 93, 98, 103 ва 117-моддаларига)»ги қонун сайловларни демократик, очиқ-ошкора ўтказиш, унда қонунийликни ҳар томонлама таъминлашнинг муҳим кафолати бўлди. Қонунда Ўзбекистон Республикаси Марказий сайлов комиссиясини шакллантиришнинг демократик тизими, унинг фаолиятига доир асосий принциплар конститу­ция­вий норма тарзида мустаҳкамлаб қўйилди.

Шуни алоҳида таъкидлаш керакки, сайлов кампанияси жараёнида Президентликка номзодларга тенг шароит ва имкониятлар таъминланмоқда. Сайлов участкаларида сайловчиларнинг сайлов билан боғлиқ маълумотлар билан танишиши учун барча имконият яратилган.

— Ўзбекистон сайлов тизими, сайлов қонунчилиги ҳақида кўплаб маълумотларга эга бўлдим, — дейди ­Арнис Цимдарс. — Сайловни юқори савияда ўтказиш учун барча тайёргарлик ишлари кўрилган.

* * *

Шу куни Марказий сайлов комиссиясида Ҳиндистондаги «Бҳаратия Жаната» партияси мувофиқлаштирувчиси Вижай Жолли билан ҳам учрашув бўлиб ўтди. Унда Марказий сайлов комиссиясининг олиб бораётган ишлари ҳақида батафсил маълумот берилди.

Марказий сайлов комиссияси ўз фаолиятини давлат органлари, жамоат бирлашмалари ва мансабдор шахслардан мустақил тарзда олиб бориши, унинг фаолиятига аралашишга йўл қўйилмаслиги ва бундай аралашув қонунга мувофиқ жавобгарликка сабаб бўлиши сайловларни демократик тарзда ўтказишга йўл очмоқда.

— Ўзбекистонда сайловларни халқаро демократик талаблар асосида ўтказиш учун барча ҳуқуқий, ташкилий шарт-шароитлар яратилган, — дейди Вижай Жолли. — Бунга ўтган йили декабрь ойида Ўзбекистон Республикаси Олий Мажлисига бўлиб ўтган сайлов жараёнини кузатиб амин бўлганман. Бу ҳақдаги ўз хулосаларимни «Ўзбекистон-Ҳиндистон: дўстлик, ривожланиш, юксалиш йўлида» рисоласида баён этдим. Президент сайлови ҳам юқори савияда ўтишига ишонамиз. Сайловга тайёргарлик жараёни ҳамда халқингизнинг фаоллиги шундан далолат бериб турибди.

Учрашувлар якунида меҳмонларга халқаро кузатувчи мақомини берувчи мандатлар топширилди.

 

Н.АБДУРАИМОВА,

ЎзА мухбири. 


Фикр ва мулохазалар

Защита от автоматических сообщений

Сўнгги янгиликлар: