Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
17.03.2015

ОЛИЙ МАЖЛИС ҚОНУНЧИЛИК ПАЛАТАСИДА ПАРЛАМЕНТ МУХОЛИФАТИНИ ЭЪЛОН ҚИЛИШ ТЎҒРИСИДА АХБОРОТ

2015 йил 16 март куни Олий Мажлис қонунчилик палата­сида Ўзбекистон Халқ демократик партияси фракциясининг йиғилиши бўлиб ўтди. Унда парламент кўпчилигини ташкил этган демократик кучлар блокига нисбатан фракциянинг нуқтаи-назарини ишлаб чиқиш масаласи муҳокама қилинди.

Мажлисда, аввало, мамлакатимизда демократик ислоҳотлар тобора чуқурлашиб бораётгани, давлат ҳокимиятини ташкил этиш ва бошқаришда сиёсий партияларнинг ўрни ва мавқеи мустаҳкамланаётгани, дастурий мақсадларини амалга ошириш, электорат манфаатларини ҳимоя қилиш кафолатлари таъминланаётгани алоҳида қайд этилди.

Ўзбекистон Халқ демократик партияси 2014 йил декабрь ойида ўтказилган парламент сайлови якунларига кўра, Олий Мажлис Қонунчилик палатасида муносиб ўрин эгаллади, ўзининг фракциясини шакллантирди. Ўзбекистон ХДП ўз Сайловолди дастури ва номзодларини қўллаб-қувватлаган сайловчиларнинг манфаатларини ифода этиш учун зарур имкониятга эга бўлди.

Эндиликда партия Сайловолди дастурида белгиланган мақсад-­вазифаларни амалга ошириши, бу борада изчил ташаббусларни илгари суриши тақозо этилмоқда.

14 март куни Олий Мажлис Қонунчилик палатасида Тадбиркорлар ва ишбилармонлар ҳаракати — Ўзбекистон Либерал-демократик партияси ҳамда Ўзбе­кис­тон Миллий тикланиш демократик партияси фракциялари парламентда кўпчиликни ташкил этувчи Демократик кучлар блокига бирлашиш ҳақида қарор қабул қилди. Улар 2015 йил 23 январда Олий Мажлис Қонунчилик палатаси ва Сенатининг қўшма мажлисида Вазирлар Маҳкамаси томонидан тақдим этилган яқин ва узоқ муддатга мўлжалланган истиқболдаги Ҳаракат дастурини қўллаб-қувватлашлари ҳақида баё­нот берди.

Йиғилишда ЎзХДП фракцияси шу масалада ўз позициясини билдирди.

Шу билан бирга, алоҳида таъкидландики, Ўзбекистон Халқ демократик партияси Ҳукумат Ҳаракат дастурида кўзда тутилаётган қатор муҳим иқтисодий ва ижтимоий масалаларни ҳал қилиш йўллари ҳақида сайловолди дастурида ўз нуқтаи назарини ифодалаган. 

ЎзХДП фракцияси партиянинг дастурий вазифаларини инобатга олган ҳолда, кучли ижтимоий сиёсатни амалга ошириш, аҳоли барча қатламлари, энг аввало, кам таъминланган қатламнинг турмуш даражасини доимий равишда яхшилаш, ўсиб бораётган иқтисодий салоҳиятнинг ижтимоий самарадорлигини кучайтириш масалаларида давлатнинг тартибга солувчи ролини мустаҳкамлаш ғоясини илгари суради.

Партия энг кам истеъмол харажатлари (истеъмол саватчаси) стандартларини белгилашнинг асосланган ва замонавий механизмларини ишлаб чиқиш ҳамда жорий қилишни, мамлакатдаги ойлик иш ҳақи ва пенсиянинг энг кам миқдорлари мазкур стандартларга мос келишини таъминлашни устувор масалалар, деб ҳисоблайди.

Аҳолига коммунал хизматлар кўрсатиш тарифлари давлат томонидан тартибга солинишини такомиллаштириш ва мазкур хизматлар нархларини мақбуллаштириш аҳоли фаровонлигини оширишга ижобий таъсир кўрсатувчи муҳим омилдир.

Партия, шунингдек, аҳоли банд­лигини таъминлашнинг янги ва замонавий усулларини жорий қилиш, иш ўринлари ташкил этилиши билан боғлиқ дастурларнинг сўзсиз бажарилиши устидан парламент назоратини кучайтириш, аввало, ўрта махсус ва олий таълим муассасалари битирувчиларини ишга жойлаштириш ҳамда муҳим ижтимоий-иқтисодий дастурларнинг барқарор иш ўринлари сони билан ўзаро боғлиқлигини таъминлаш тарафдори эканини билдиради.

Ушбу устувор масалаларда ЎзХДП фракцияси парламентда Демократик кучлар блокига бирлашган партиялар фракцияларининг нуқтаи-назаридан фарқ қиладиган ўз таклифлари ва позициясини олға суришга тайёр.

Йиғилишда Ўзбекистон Халқ демократик партияси фракцияси «Давлат бош­қарувини янгилаш ва янада демократлаштириш ҳамда мамлакатни модернизация қи­лишда сиё­сий партияларнинг ролини кучайтириш тўғрисида»ги ҳамда «Ўзбекистон Республикаси Олий Мажлисининг Қонунчилик палатаси тўғрисида»ги консти­­­­­ту­ц­ия­­­­­­­­­­вий қонунларда белгиланган нормаларга таяниб, ўзини парла­мент­да кўпчиликни ташкил этаётган Демократик кучлар блокига мухолифат, деб эълон қилиш тўғрисида қарор қабул қилди. Бу ҳақда фракциянинг тегишли баёноти тузилди.

Унда партиялараро рақобатнинг қонунда назарда тутилган меха­низм­ларидан, сиёсий пар­тия­лар фракцияларининг электорат манфаатларини ҳимоя қилиш борасидаги ҳуқуқ ва ваколатларидан, партияларнинг Сайловолди дастурларини амалга ошириш имкониятларидан самарали фойдаланиш, аввало, давлат ва жамият томонидан ижтимоий қўл­лаб-қувватлашга эҳтиёжманд аҳоли қатлами манфаатларини изчил ифодалаш, парламентда қонун ҳужжатларини ишлаб чиқиш, мамлакат ижтимоий-иқтисодий ҳаёти билан боғлиқ муҳим қарорлар қабул қилиш жараёнларида бунинг, албатта, инобатга олинишига эришиш масалалари акс этди.

Парламентда Демократик блокка нисбатан мухолифат сифатида фаолият юритиш ЎзХДП фракциясидан қатъийлик ва талабчанликни, унинг аъзоларидан эса фаоллик ва ташаббускорликни тақозо қилиши таъкидланди.

Шу куни Олий Мажлис Қонунчилик палатасида ЎзХДП фрак­ция­си ўз йиғилишида кўрилган масала юзасидан маҳаллий ҳамда мамлакатимизда аккредитациядан ўтган хорижий оммавий ахборот воситалари вакиллари учун брифинг ўтказди.

Брифингда фракция фаолиятининг устувор йўналишлари, парламентдаги мухолифат сифатидаги энг муҳим вазифалари ҳақида батафсил маълумот берилди.

 

ЎзХДП Марказий Кенгаши

Матбуот хизмати.



DB query error.
Please try later.