14.03.2015

ЭЛЕКТРОН ТИЖОРАТ РИВОЖЛАНСА, ҲАММАГА ҚУЛАЙ

Шу кунларда парламент қуйи палатасида «Электрон тижорат тўғрисида»ги (янги таҳрирда) қонун лойиҳаси кўриб чиқилмоқда. Мазкур қонун лойиҳаси экспертлар, малакали мутахассислар ва ушбу соҳада фаолият юритаётган амалиётчилар иштирокида муҳокама қилиниб, уни такомиллаштириш бўйича таклифлар ишлаб чиқилмоқда.

Нўмон АКБАРОВ, Олий Мажлис Қонунчилик палатаси депутати, ЎзХДП фракцияси аъзоси.

Маълумот  ўрнида айтиш керакки, электрон тижоратни қонунчилик асосида тартибга солиш мақсадида 2004 йилда «Электрон тижорат тўғрисида»ги, 2005 йилда «Электрон тўловлар тўғрисида»ги қонунлар қабул қилинган.

Ўтган вақт мобайнида ахборот технологиялари, иқтисодий жараёнлар ривожланди. Электрон тижоратнинг янги-янги имкониятлари очилди. Шунинг учун мазкур соҳадаги муносабатларни тартибга солувчи меъёрий-ҳуқуқий ҳужжатларни қайта кўриб чиқиш, янада такомиллаштириш зарурати пайдо бўлди.

Янги таҳрирдаги «Электрон тижорат тўғрисида»ги қонун лойиҳаси шу мақсадда ишлаб чиқилган. Ушбу ҳужжат парламентда депутатлар, мутахассислар томонидан қизғин муҳокама қилин­япти, турли фикр-мулоҳаза ва таклифлар билдириляпти.

Электрон тижорат ривожланиши учун янги ҳуқуқий, иқтисодий, ташкилий ва техник шароитлар яратиб бериш — долзарб масала. Қонун лойиҳасининг муҳим хусусиятларидан бири электрон шартномаларни расмийлаштириш ва ижро этиш жараёнларини енгиллаштиришдан иборат.

Шунга алоҳида эътибор қаратиш керакки, электрон тижорат тизимида маблағлар тез айланади, молиявий операциялар қисқа фурсатда бажарилади. Бу корхона-ташкилотлар, тадбиркорлик субъект­ларининг, умуман, мамлакат иқтисодиётининг барқарорлигини таъминлашга хизмат қилади. Натижада ишчи-ходимларнинг моддий таъминоти яхшиланади, пул маблағлари айланишининг тезлашуви эса партиямиз электорати вакилларининг иш ҳақи, пенсия, нафақа ва бошқа ижтимоий тўловларнинг ўз вақтида олиш бўйича имкониятлари кенгаяди. Бир сўз билан айтганда, элек­т­рон тижорат ривожланиши нақд пулсиз ҳисоб-китоблар, тўлов тизимининг самарадорлигини ва ўз вақтида амалга ошишини таъминлайди. Бундан, ўз нав­батида, иқтисодиёт этишидан аҳоли, ­халқимиз катта наф кўради.

Қонун лойиҳасида электрон тижорат истиқболи билан бирга, ахборот соҳаси ривожланиши масаласи ҳам эътиборга олинган. Жумладан, унда телекоммуникация тизими операторлари, банк, электрон танлов, аукцион ва ярмаркалар ташкил этиш билан шуғулланувчи юридик шахсларнинг истиқболига оид нормалар ўз аксини топмоқда.



DB query error.
Please try later.