Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
14.03.2015

ПОРЛОҚ КЕЛАЖАГИМИЗ УЧУН ОВОЗ БЕРАМИЗ

Ўзбекистон Республикаси Президенти сайловини ўтказувчи 9-Сурхондарё округ сайлов комиссияси ҳамда «Камолот» ёшлар ижтимоий ҳаракати вилоят кенгаши ҳамкорлигида сайловда илк марта иштирок этадиган ёшларнинг ҳуқуқий маданиятини юксалтиришга бағишланган семинар ва давра суҳбатлари ўтказилмоқда.

Шундай тадбирлардан бири — Термиз шаҳрида бўлиб ўтди. Унда округ сайлов комиссияси раиси ўринбосари Ч.Қурбонов ва бошқалар мамлакатимизда амалга оширилаётган демократик янгиланиш ва ўзгаришлар сайлов қонунчилигини такомиллаштириш, фуқароларнинг давлат ва жамият бошқарувида фаол иштирокини таъминлашда муҳим омил бўлаётганини таъкидлади.

Шу йилнинг 29 мартида бўлиб ўтадиган Ўзбекистон Республикаси Президенти сайловида сурхондарёлик саккиз мингдан ортиқ ёшлар илк марта овоз беради.

— Бўлажак сайлов арафасида Конституциямизда белгилаб қўйилган ҳуқуқимдан фойдаланиб, порлоқ келажагимиз учун овоз бериш имкониятига эга бўлаётганимдан хурсандман, — дейди Термиз шаҳридаги 2-академик лицей ўқувчиси Н.Обидова. — Бу йил академик лицейни тугатиб, олий ўқув юртига ҳужжат топшираман. 29 март куни бўлиб ўтадиган сайловда менинг овозим ҳам биз, ёшларнинг келгусидаги осуда, фаровон турмушимизни белгилашда муҳим аҳамиятга эга эканини яхши биламан. Бинобарин, сайлов куни бахтли ҳаётимиз учун овоз бераман.

Давра суҳбатида олим ва ҳуқуқшунослар миллий сайлов қонунчилигимиз, сайловнинг мазмун-моҳияти, юртимиздаги тинчлик ва фаровонликни таъминлашдаги аҳамияти, овоз бериш тартиб-таомиллари хусусида ёшларга кенг маълумотлар берди.

Тадбирда ёшларни қизиқтирган саволларга мутахассислар томонидан атрофлича жавоб  қайтарилди.

 

Х.МАМАТРАЙИМОВ,

ЎзА мухбири.



DB query error.
Please try later.