Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
10.03.2015

САЙЛОВ УЧАСТКАЛАРИДА

Президент сайловида қатнашиш ҳар бир фуқародан катта масъулият талаб этади. Бу сайловда халқимиз ўз келажаги учун овоз беради. Шу боис барча ҳудудларда, жумладан, ­Самарқанд вилоятида ҳам сайловчилар 29 март куни бўлиб ўтадиган сайловга катта қизиқиш ва  эътибор билан қарашмоқда.

Вилоятда сайловчиларнинг умумий сони 2 миллион 294 минг 602 кишидан иборат. Сайловни ўтказиш учун  957 та сайлов участкаси тузилган. Уларнинг барчасида сайловга қизғин тайёргарлик кўрилмоқда. Сайловчилар учун ҳамма шароит яратиб берилмоқда.

Пайариқ туманидаги Челак қишлоқ хўжалик касб-ҳунар коллежи биносида жойлашган 567-сайлов участкасидамиз. Бу ерда сиёсий партиялар дас­турлари, сиёсий партиялар нашр­лари,  сайловчилар рўй­хати, Президентликка номзодларнинг тарғибот воситалари тартиб билан жойлаштирилган. Тиббиёт ҳамда она-бола хоналари дид билан жиҳозланган. Овоз бериш кабиналари ўрнатилган.

— Сайловчиларимиз 3223 нафар, — дейди участка сайлов комиссияси раиси Дониёр Рўзиев. – Уларнинг 146 нафари Президент сайловида илк бор иштирок этадиган ёшлар. Сайловчилар билан сайловнинг мазмун-моҳияти, унинг мамлакат равнақи, аҳоли фаровонлигидаги ўрнини тушунтириш мақсадида турли тадбирлар, давра суҳбатлари ташкил этиляпти.

Сайлов участкасида  бир гуруҳ ёш йигит-қизлар билан суҳбатлашдик. Уларнинг барчаси Президент сайловида биринчи бор овоз беришар экан.

— Коллежнинг компьютерларга техник ва дастурий хизмат кўрсатиш йўналишида ўқийман, — деди Фирдавс ­Умрзоқов. — Ҳар куни дарсдан сўнг сайлов участкасида сайлов қонун-қоидаларини ўрганяпман, номзодларнинг дастурлари билан танишяпман. Бугун Ўзбекистон Халқ демократик партиясининг мақсад ва вазифалари билан танишдим. Келажакда шу партия сафида бўлишни ният қилдим. Президент сайловида қатнашаётганимдан, келажагим учун овоз беришимдан хурсандман.

Фирдавс Умрзоқовнинг дўстлари ҳам шундай фикрда. Уларнинг барчаси шу йил 29 мартда ўтказиладиган сайловда фаол иштирок этишларини айтишди.

 

Абдурасул САТТОРОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: